شارپرێس:
بەڕێوەبەرایەتی کارەبای سلێمانی ڕایدەگەیەنێت، لەئێوارەی ئەمڕۆوە تەواوی ئەو گەڕەگانەی ناوسەنتەری سلێمانی كە ژمارەیان 32 گەڕەكە، لەگەڵ پرۆژەكانی نیشتەجێبون، كارەباكەیان دەبیتە 24 كاتژمێری، هاوکات، قەزایەک و ناحیەیەکی دەرەوەی شار کارەبایان دەبێتە 24 کاتژمێری.

بەڕێوەبەرایەتی کارەبای سلێمانی لەڕاگەیەنراوێکدا ئاماژەی بەوەکرد،" لەچوارچێوەی پرۆژەی روناکی بۆ دابینكردنی كارەبای بەردەوام بۆ هاوڵاتیان، لەئێوارەی ئەمڕۆوە تەواوی ئەو گەڕەگانەی ناوسەنتەری سلێمانی كە پێنج زۆنە و ژمارەیان 32 گەڕەكە، لەگەڵ پرۆژەكانی نیشتەجێبون، لەئێوارەی ئەمڕۆ كارەباكەیان دەبیتە 24 كاتژمێری، بەوەش كۆی گەرەكەكانی سەنتەری شاری سلێمانی كارەبایان بوە بەردەوام ".

ئەوەشیخستەڕوو، هەر ئێوارەی ئەمڕۆ كارەبای قەزای قەرەداغ و گوندەكانی دەروبەری و ناحیەی عەرەبەت و گوندەكانی دەوروبەری كارەبایان دەبێتبە 24 كاتژمێری.
‏‌‎
بەپێی ئامارە فەرمییەکان، لەپارێزگای سلێمانی 351 هەزار هاوبەشی کارەبا و یەک ملیۆن و 450 هەزار هاوڵاتی سلێمانی لە پرۆژەی روناكی سودەمەندبون و كارەبایان بوە بە 24 كاتژمێری، هەروەها لە سنوری پارێزگای سلێمانی 602 موەلیدە کوژاوەیەوە.

جێی ئاماژەبۆكردنە، هەر ئێوارەی ئەمڕۆ تەواوی هاوبەشانی كارەبای سنوری پارێزگای هەڵەبجە لە چوارچێوەی پرۆژەی روناكی كارەبایان دەبێت بە 24 كاژمێری.