شارپرێس:
ئاسایشی سلێمانی ڕایدەگەیەنێت، چوار تۆمەتباری تاوانێکی
کوشتن لەپارێزگای دهۆک لەسلێمانی دەستگیرکران.
بەڕێوەبەرایەتی ئاسایشی پارێزگای سلێمانی لەڕاگەیەنراوێکدا
ئاماژەی بەوەکرد،" چوار تۆمەتباری هەڵاتوو لەیاسای لەیەکێک لە هۆتێلەکانی شاری
سلێمانی دەستگیرکران، کە بەمەبەستی خۆحەشاردان ڕویان لەسلێمانی کردبوو ".
ئەوەشیخستەڕوو،" تۆمەتباران لەساڵی ٢٠٢٤ لەپارێزگای
دهۆک لەسەر کێشەی کۆمەڵایەتی هاوڵاتییەکیان کوشتوە و هەڵاتون، بەڕێوەبەرایەتی ئاسایشی
پارێزگای سلێمانی، لە ٢٠٢٥/٨/١٩ دوای چاودێری و بەدواداچوون و کۆکردنەوەی زانیاری،
بەبڕیاری دادوەری لێکۆڵینەوەی ئاسایش توانیان هەر چوار تۆمەتبار دەستگیربکەن ".
ئەوەشیخستەڕوو،" لەئێستادا تۆمەتباران بە ماددەی(٤٠٦)
لەیاسای سزادانی عێراقی ڕاگیراون و بەپێی تایبەتمەندی کەیسەکەیان، ڕادەستی بەڕێوەبەرایەتی
پۆلیسی پارێزگای دهۆک دەکرێنەوە ".