یەک: زۆر ڕوونە کەیەکێک لەھۆکارە سەرەکیەکانی گرفتەکانی ئێستای
ھەرێم و بەغدا؛ گرێبەستەکانی گازن لەنێوان حکومەتی ھەرێم و کۆمپانیا ئەمریکیەکان.
دوو: ئیمڕۆ لە کۆڕێکی زانکۆی ئەمریکی (سلێمانی)؛ ھەموومان
چاوڕەێی ئەوەبوین کەکونسوڵی گشتی ئەمریکی لەسەر بابەتی ناوبراو بدوێت.
سێ: نەک کونسوڵ؛تەنانەت بەڕێوەبەری کۆڕەکەش (سەرۆکی زانکۆکە)؛
بەیەک وشەش دنەی ئەو بابەتەیان نەدا.
چوار: بەڕێوەبەری کۆڕەکە؛ دوو ھێندەی کونسوڵ پرسیار و سەرنجیدا.
کاتێکی زۆری بۆ خۆی قۆرغکرد، جگە لە خستنە بەرباسی بابەتی زۆر لاوەکی و پەراوێزی هیچی
ترمان نەبیست.
پێنج: یەکێک لەو پرسیارە سەیرانە کە بۆمن مایەی شەرم بوو
"جەنابی کونسوڵ ڕێگای نێوان ھەولێرو دھۆک زۆرباشە، بەڵام ھی سلێمانی و ھەولێر
خراپە؛ بۆچی بەدەسەڵاتی کوردی ناڵێیت چاکی بکات ؟". بەئینگلیزیەکەی ووتی " Why do not you tell them to behave" یانی " بۆ پێیان
ناڵێی کە عاقڵ بن!". ئەمە نەک ئیشی کونسوڵ نیە؛ تەنانەت ئەوپەڕی بەرزکردنەوەی
بەرامبەر و بچوکردنەوەی خود و خۆبەکەمزانینە.
شەش: بێگومان کۆڕگێڕ؛ ھیچ کاتی نەھێشتەوە بۆ زۆربەی زۆری
ئامادەبوان (بەخۆشمەوە)؛ کەبتوانن سەرنج و پرسیاری خۆیان بخەنەڕوو.
حەوت: دەبێ نوخبە لەوەبگەن کە ئینگلیزی زمانە نەوەک مۆڵەتی
ھەبوونی وشیاری و ڕەخنەو مەعریفەی پێویست. لەوەش خراپتر؛ زانینی زمانی ئینگلیزی نەکەنە
ئامڕازی غرورو پۆزلێدان.
ئەم وتارە دەربڕی بۆچونی نووسەر خۆیەتی