چۆن مامەڵە بكەین لەگەڵ جەنگ و ڕوداوە زەبراویەكان ؟
جەنگ، یەكێكە
لە كاریگەرترین ڕوداوە زەبراویەكان و مرۆڤ توشی زەبری دەرونی و تەنگەژەی باش زەبرو
دەیان گرفتی جیاواز دەكات ، ئەوانەی ڕاستەوخۆ بەشداری پرۆسەكەن زیاتر نیشانەكانیان
لێدەردەكەوێت و ئەوانەش شایەتحاڵ و بینەری ڕوداوەكانن پشكیان بەردەكەوێت گەر بە وریاییەوە
مامەڵە نەكرێت بۆیە ئێمەش پێویستە سنورمان هەبێت و بزانین چۆن مامەڵەبكەین ناكرێت
بەردەوام چاودێری دیمەنە تراژیدیەكان بین و بێ ئاگا لەوەی دۆخی دەرونیمان تێكدەچێت
سادەترین پێناسەی تەندروستی بریتیە لە هاوسەنگی نیوان هەموو
لایەنەكانی مرۆڤ لە ڕووی دەرونی و كۆمەلایەتی و جەستەیی و سۆزداری ، تەندروستی دەرونیش
وەك بەشێكی سەرەكی لە تەندروستی مرۆڤ تەماشادەكرێت كە ئەو بارە باشەیە كاتێك
تواناكانی خۆت بزانی و بەرهەمت هەبێت و لەگەڵ تەنگەژەكان بگونجێیت.
ئەم پێشەكیەم خستەڕوو تا ڕونتر ببێتەوە و بزانین تەندروستی
دەرونیمان بەهۆی جەنگ و دۆخی ئێستاو قەیران و ململانێ و فشارەكان چی بەسەر هاتوەو
چی بكەین و چۆن بگونجێین لەگەڵ بارودۆخەكەو
چۆن یارمەتی خۆمان و دەوروبەرمان بدەین ..
كەم نین ئەو ڕوداوانەی كاریگەریان هەیە لەسەر تەندروستی
دەرونی مرۆڤ هەر لە قەیرانەكانی ژیانی ڕۆژانەوە تا دەگاتە قورسترینیان كە پێی دەوترێت
ڕوداوی زەبراوی و لە دەرئەنجامدا مرۆڤ توشی زەبری دەرونی دەبێت..
كۆمەلێك روداوی
زەبراوی هەن وەك ( جەنگ ، توندوتیژی ، ئەشكەنجەدان
، لەدەستدانی كەسی ئازیز ، جیابونەوەی هاوسەران ، نەخۆشی درێژخایەن ، روداوی سروشتی ...هتد) دەبنە هۆی زەبر
دەگونجێت مرۆڤ بە هۆی كاریگەری و لێكەوتەكانی جەنگ و دۆخی
ئێستاوە لە ئابوری سیاسی كۆمەڵایەتی خێزانی ....هتد نیشانەو كاردانەوەی بۆ دروست
بووبێت لەروی دەرونیە وەك ( هەلچون و تورەبون و ترس و خەمۆكی و دلەراوكێ ...هتد ) یان نیشانەكان لەروی ڕەفتاریەوە بێت وەك
( دابەزینی ئاستی چالاكیەكان و نەسرەوتن و ماخۆلان یان گرفتی خەو ...هتد ) یان نیشانەكان
جەستەیی بن وەك ( شەكەتی و ماندوێتی و ئازار ...هتد) یان نیشانەو كاریگەریەكان هزری
بن وەك ( نەمانی ئاگایی و زەحمەتی لە بریاردان و فكری واس واسی ..هتد) كە ئەمانە هەموی
نیشانەی ئاساین و چاكدەبنەوە ئەوەی نائاساییە روداوەكەیە ...
ئەوەی گرنگە ئەوەیە چۆن بتوانین بەكەمترین زیان و قوربانی
دەرباز بین لەم دۆخانە و چۆن یارمەتی خۆمان و دەوروبەر بدەین ، بەكورتی ئاماژەیان
پێدەكەم :ـ
1ـ دیاریكردنی كاتی تایبەت بۆ ئەنجامدانی ئەوشتانەی خۆشیبەخشن
وەك( گوێگرتن لە مۆسیقا و گۆرانی ، خوێندنەوە، پیاسەكردن، وێنە كێشان، خواردن
دروستكردن ...هتد)
2ـ یادكردنەوەی یادەوەرییە خۆشەكانی ژیانت كە بێگومان هەریەكێك لە ئێمە كۆمەلێك یادەوەری
و روداوی خۆش هەیە لە ژیانی و چاومان با تەنیا ئەم بەشەی ژیان نەبینێت لە ناخۆشی و
نەخۆشكەوتن..
3ـ گرنگیدان بە پەیوەندییەكان و دانەبڕان لە دەوروبەر و
خەڵكانی ترو پسپۆران..
4ـ كات دابنێ بۆ پشوو وەرگرتن و خاوبوونەوە ، وەكو خەوتن
و پشوودانی تەواو لە شەودا و خواردنی ژەمەكانت
لە كاتی ئاسایی خۆیی و گرنگی بەخۆدان وەك خۆشۆردن و خۆگۆرین و پاك و خاوێنی ...
5ـ لایەنی ئاین و باوەردانی خالێكی گرنگە بۆنمونە ئێمە كە
كوردین و مسوڵمانین دەبێت باوەرمان بە قەزاو قەدەرو ڕۆژی دوایی هەبێت و ئەوكات و
ساتەی بۆمان دیاری كراوە لە لەدایك بون و مردن لەتوانی مرۆڤایەتیدا نیە گۆرانكاری
تێدا بكات .
6ـ وەرزشكردن ئەگەرچی لەچوارچێوەی مالەوەش بێت كۆمەلێك یاری
و وەرزشی ئاسان هەیە كە دەتوانین ئەنجامی بدەین ...
7ـ دەكرێت لەگەڵ كەسێكی نزیكت هاورێیەك خزمێك گفتوگۆ بكەیت
و دەردەدڵی خۆتی بۆ بكەیت كە سودی زۆری هەیە دواتر هەست بە بار سوكی دەكەین..
8ـ دەكرێت پەیوەندی بە پزیشك و توێژەرو كەسانی پسپۆرەوە
بكەیت و داوای یارمەتی بكەیت هیچ پێت عەیب نەبێت ...
دەروندروست بن
ئەم وتارە دەربڕی بۆچونی نووسەر خۆیەتی