عەبدولرەحمان مەولود

کۆبونەوەی پاریس کە لە ڕۆژانی  ٥ و ٦ مانگی یەکی ئەم ساڵ ، ٢٠٢٦، لە پاریس کرا ئەمانەی خوارەوە لە دانیشتەنەکان بەشداربوون:
شاندی سووریا
ئەسعەد حەسەن ئەلشیبانی – وەزیری دەرەوە و کۆچبەرانی سووریا (سەرۆکی شاندی سووریا).
حسێن ئەلسەلامە – سەرۆکی بەڕێوەبەرایەتی هەواڵگری گشتی (بەرپرسی باڵای ئەمنیی سووریا).

شاندی ئیسرائیل
یێخیێل لایتەر – باڵیۆزی ئیسرائیل لە ویلایەتە یەکگرتووەکانی ئەمریکا و سەرۆکی شاندی ئیسرائیل لەم خولەی دانوستانەکاندا.
مەیجر جەنەڕاڵ ڕۆمان گۆفمان – ڕاوێژکاری باڵای سەربازی سەرۆک وەزیرانی ئیسرائیل و کاندیدی فەرمی بۆ سەرکردایەتی داهاتووی هەواڵگری.
گیل ڕیچ – سەرپەرشتیاری ڕاوێژکاری ئاسایشی نەتەوەیی ئیسرائیل.

ئەمریکا
تۆماس باراک – نێردەی تایبەتی ئەمریکا بۆ کاروباری سووریا
ستیڤ ویتکۆف – نێردەی تایبەتی ئەمریکا بۆ ڕۆژهەڵاتی ناوەڕاست، ئەندامی شاندی ویلایەتە یەکگرتووەکان .
جارێد کوشنەر –  زاوای ترەمپ (هاوسەری ئیڤانیەکی کچی دۆنالد ترامپ) ، دیپلۆماتکاری ئەمریکی و نێردەی باڵای ئەمریکا، و ئەندامی شاندی ویلایەتە یەکگرتووەکان .




لێکەوەتەکانی بریارەکانی ئەم کۆبوونەوەیە: 
•        سەلامەتی وخاك بۆ ئیسرائیل.  سوریا هاوشیوەی ئوردن پەیوەندی ئاسایی دەبێت لەگەڵ ئیسرائیل. بالیۆزخانەی ئیسرائیل لە سوریا دەکرێتەوە  و بەپێچەوانەکەشی.   سوریا هاوشێوەی میسر و ئوردن دان بە سەربەخۆیی ئیسرائیل دادەنێت.
•        جۆلان و ئەو ناوچانانەی لە سالانی ڕابردوو لە لایەن ئیسرائیل دەستیبەسەردا گیرا بوو ناگەرێنەوە بۆ سوریا و لێك تێگەیشن لەنیوان هەردولا سەبارەت بەچۆنیەتی ئیدارەکردنی ئەو ناوچانە ئیمزا دەکرێت.
•        هاوکاری هەوالگێری لە نیوان هەردوو لادا بەردەوام دەبێت.
لەبەرامبەردا، ئەمریکا پشتیوانی لە یەکپارچەیی باقی خاکی سوریا دەکات.
ئەمەش بەکردار مانای :
•        ئازادکردنی داعشەکان لە زیندانەکانی هەسەدە ،
•        گەرانەوەی ناوچەکانی ژێر دەستی هەسەدە بۆ دەسەلاتی ئەحمەد شەرع،
•        دەستوالاکردنی سوپای سوریا بە پشتیوانی تورکیا بۆ ئەوەی هەرچۆنیان پێباشە ڕەفتار لەگەڵ کوردا بکات.
ئەگەر کورد لەچەند ڕۆژی داهاتو شتێك نەکات، واتە نارەزایەتی سەرتاسەری لە ناوخۆی کوردستان و هەمو دونیا ڕانەگەینێ ،  بڕیاری کۆبوونەوەی شەیبانی-لایتەر-باراك   ئەمەش هەر لە فەرەنساوە هاوشێوەی بڕیارەکانی کۆبوونەوەی  سایکس- بێکۆ ی سالی ١٩١٦ چارەنوسی کورد بێ ویستی خۆی ڕەنگە بۆ چەند دەیەیتر دیاری بکات.   ئەم ڕۆژانە ڕۆژانی مێژووین دەبێت هەموو کورد یەك دەنگ و یەك ڕێز بێت بۆ بەرگریکردن لە مافەکانی خۆی.

ئەم وتارە دەربڕی بۆچونی نووسەر خۆیەتی