لە سەرەتای دامەزراندنییەوە،
هاوپەیمانیی بەرگریی مەککە لەسەر بنەمایەکی ڕوون و ئامانجێکی دیاریکراو بنیات نراوە،
کە ئەویش تەنها " بەرگری " بووە. لە ڕوانگەی پێکهاتە و فەلسەفەی دامەزراندنییەوە،
هێرشکردن و دەستپێکردنی ئۆپەراسیۆنی هێرشبەرانە هیچ کاتێک بەشێک نەبووە لە نەخشە و
ئامانجەکانی. هۆکاری ئەمەش بۆ ئەوە دەگەڕێتەوە کە بناغەی ئەم هاوپەیمانییە لەسەر
بنەمای ئاسایشی کۆمەڵی و بەهێزکردنی دەروازەکانی ڕێگریکردن لە هێرش ڕێکخراوە، نەک
فراوانخوازیکردن یان تێوەگلانی سەربازیی دەرەکی.
سەڕەرای ئەم تایبەتمەندییە
یاسایی و ستراتیژییانە، واقیعێکی جیاواز لە گوتاری شیکاریدا دەبینرێت؛ ژمارەیەکی زۆر
لە شیکەرەوان و ناوەندە لێکۆڵینەوەییەکانی جیهان بەردەوام جەخت لەوە دەکەنەوە که دەبێت
وڵاتانی هاوپەیمان، بەتایبەت پاکستان یان تورکیا، توانای هێرشبەرانەی خۆیان بخەنە
خزمەتی پاراستنی عەرەبستانی سعودییەوە. ئەمەش ناکۆکییەک لە نێوان سروشتی پەیماننامە
بەرگرییەکان و پێشبینییە جیۆپۆلەتیکییەکانی ئەو شیکەرەوانەدا دروست دەکات.
لە لایەکی ترەوە، لە
حاڵەتی ڕوودانی هەر مەترسییەکدا،ئەوەی چاوەڕوان
دەکرێت ئەم وڵاتانە بەشداربن و هەموو هەوڵێک بدەن تا ئەو ڕادەیەی توانایان هەبێت،
دامەزراوە ستراتیژییەکان، ناوەندە نەوتییەکان و شوێنە هەستیارەکانی عەرەبستانی
سعودی بپارێزن، بەڵام ئەمە هەمیشە لە چوارچێوەی سنووردارکراوی بەرگریدا دەمێنێتەوە
نەک ئۆپەراسیۆنی هێرشبەرانەی فراوان.
ئەم وتارە دەربڕی بۆچونی نووسەر خۆیەتی