وەزارەتی دارایی ڕونکردنەوەیەکی لەبارەی مووچەی پێشمەرگەوە بڵاوکردەوە و دەڵێت، هەفتەی داهاتوو مووچەکەیان دابەشدەکرێت.
وەزارەتی دارایی لەرونکردنەوەیەکدا دەڵێت، سەبارەت بە مووچەی مانگی شوباتی هێزەکانی پێشمەرگەو دەزگا ئەمنیەکان و هەموو ئەو شوێنانەی ناویان لە لیستی مووچەی ڕۆژی ٢٨ ئەم مانگەدا نەهاتبوو ، هەموو لایەک دڵنیا دەکەینەوە کە لە نزیکترین کاتدا خشتەی مووچەکانیان بڵاو دەکەینەوە.
وەزارەتی دارایی ڕاشیگەیاندووە، لەهەفتەی داهاتودا مووچەی مانگی شوباتی سەرجەم مووچەخۆران و فەرمانبەران دابەش دەکرێت.