شارپرێس
بەهۆی ساختەكردنی برنجی
بایەعی و فرۆشتنەوەی بەجۆرە برنجێكی بەناوبانگ، قایمقامییەتی سلێمانی لەژێر پردەكەی
ناوبازاڕى سلێمانى دوكانی (بێ ناو) دادەخەن و خاوەنەكەشی رووبەڕوی رێكاری یاسایی دەكەنەوە.
گۆران قادر، سەرۆكی لیژنەكانی
قایمقامیەتى ناوەندى سلێمانى رایگەیاند، لەسەر زانیاری بەڕێوەبەرایەتی ئاسایش و لە
ئەنجامی سەردان و پشكنینە بەردەوامەكانی لیژنە هاوبەشەكانی قایمقامیەتی سلێمانی و
پشكنین بۆ ئەو كاڵا و شمەك و خواردەمەنییانەی لەلایەن دوكاندار و بازرگانەكانەوە بە
هاوڵاتیان دەفرۆشرێت، دەركەوتووە كە خاوەنی دوكانێكی وشكە فرۆش (بێ ناو) هەستاوە بە
ساختە كردنی برنج و فرۆشتنەوەی بە جۆرە برنجێكی دیكەی بەناوبانگ بە هاوڵاتیان.
سەرۆكی لیژنەكانی قایمقامیەت
وتیشی: بڕی برنجەكە زیاتر لە ٥٠ تۆنە، لەگەڵ تەواوی ئەو ئامێر و پێداویستیانەی لە
ساختەكارییەكدا بەكارهێنراوە، دەستی بەسەردا گیراوە.
روونیكردەوە، بەپێی یاسای وەزارەتی بازرگانی، دەستكاری كردنی لێبڵ و زانیاری
سەر كاڵاوشمەكەكان فێڵی بازرگانییە و ئەنجامدەرانی روبەڕوی رێكاری یاسایی دەكرێنەوە،
بۆیە بەفەرمانی قایمقامی سلێمانی دوكانەكە دادەخرێت، تەواوی برنجەكە لەناودەبرێت و
خاوەنەكەشی روبەڕوی رێكاری یاسایی دەكرێتەوە.