شارپرێس:
بەهۆى
تەقینەوەى گولـلە هاوەنێکەوە لە ناحییەی سیروان گیانی لەدەستدا.
دوا نیوەڕۆى
ئەمڕۆ (هەینى ١٦ى تشرینى دووەمى ٢٠١٨) هاووڵاتییەک بەهۆى تەقینەوەى گولـلە
هاوەنێکەوە لە ناحیەى سیروان سەربە پارێزگاى هەڵەبجە گیانى لەدەستدا و زیانى
ماددیش بەر ماڵەکەى کەوت.
ئەو هاوڵاتییە سەرقاڵى دەرهێنانى
"تى ئێن تى" ناو گوللـە هاوەنەکە بووە و لەکاتى دەستکاریکردنیدا پیایدا
تەقیوەتەوە و گیانی لەدەستداوە.
هێمن حسێن بەڕێوەبەرى ناحیەى سیروان
ڕایگەیاندوە "ئەو هاوڵاتییە بە ناوى (محەمەد فائق) لە ماڵەکەى خۆیدا دەستکارى
تەقەمەنیی کردووە، بەهۆى تەقینەوەیەوە گیانى لەدەستداوە و زیانیش بەر ماڵەکەى
کەوتووە".
هێمن حسێن ئاماژەی بەوەشدا "تەرمى
ئەو هاووڵاتییە ڕەوانەى پزیشکى دادى هەڵەبجە کراوە و تیمەکانى بەڵگەى تاوانیش
گەیشتوونەتە شوێنى ڕووداوەکە".
هاوڵاتییەکە پیشەى پێشمەرگەیە و
تەمەنى ٣٤ ساڵە
هـ ـ ر