شارپرێس:
رۆژی هەینی ، هەردوو ئەكتەری ئەمەریكی " جینێفەر ئەنیستۆن و كورتنی كۆكس" كە دوو پاڵەوانی درامای بەناوبانگی ئەمەریكی " فریندز"ن لە رووداویكی تێكشكانی فرۆكە رزگاریان بوو .
بەگوێرەی تۆڕی هەواڵیی " فۆكس نیوز" ی ئەمەریكی ، هەردوو ئەكتەری ژنی ئەمەریكی ئەنیستۆن و كۆكس لەناو فرۆكەیەكی تایبەتدا بوون و ویستوویانە بەرەو "كابۆ سان لۆكاس" لە مەكسیك بڕۆن ، بەلام فرۆكەكەیان لە فرۆكەخانەی ئۆنتایۆ لە ویلایەتی كالیفۆرنیا ناچار بووە بنیشێتەوە .
بەڕێوەبەرایەتی فرۆكەوانی فیدرالی بۆ پێگەی " تی ئێم زی " گوتوویەتی كە فرۆكەكە لە فرۆكەخانەی نێودەوڵەتیی لۆس ئەنجلۆس هەستاوە ، دەوروبەری سەعات یازدەی پێش نیوەرۆ لەكاتی فڕیندا یەكێك لە تایەكانی لەدەستداوە .
فرۆكەكە تا كاتژمێر دووی دوای نیوەرۆ نەیتوانیوە لە سەكۆی فرۆكەخانەی ئۆنتایۆ بنیشێتەوە ، چونكە فرۆكەوانەكە ناچار بووە ماوەی چەند كاتژمێرێك لەئاسمان بسووڕێتەوە ، ئەوەش لەپێناو نیشتنەوەیەكی سەلامەتانەی فرۆكەكە .
راپۆرتەكان ئاماژە بۆ ئەوە دەكەن كە جینیفەر بەمەبەستی گێرانی ئاهەنگی پەنجا ساڵەی لەدایكبوونی خۆی ویستوویەتی بەرەوە كابۆ سان لۆكاس لە مەكسیك بڕوات .
هـ ـ ح