شارپرێس:
دادگای ئیتاڵیا له دانیشتنی رۆژی هه‌ینیدا سزای 12 ساڵ زیندانیکردنی بەسەر مەلا كرێكار سه‌پاند، كه پێشتر سزاكه‌ی بۆ ده‌ركرابوو.
پێگه‌ی دوربین-ی نزیك له مه‌لا كرێكار بڵاویکردەوە: دادگای ئیتاڵیا بڕیاریدا سزاكه‌ی پێشوی مه‌لا كرێكار وه‌ك خۆی بمێنێته‌وه، كه بریتییه له 12 ساڵ زیندانیکردن.
به‌گوێره‌ی ماڵپه‌ڕه‌كه: مەلا کرێکار لەرێگه‌ی ڤیدیۆوه به‌شداری دادگاكه‌ی رۆژی هه‌ینی کردووە و له میانه‌ی قسه‌كانیدا چه‌ند جارێ قسه‌كانی مەلا کرێکار پچێڕێندراوە.
مه‌لار كرێكار وتوویه‌تی: "ئێوه 12 ساڵ حوكمتان به‌سه‌ر مندا سه‌پاندووه، كه چی ئاماده‌نین سێ سەعات گوێم بۆ بگرن، ئه‌م دادگاییه وه‌ك دادگای میسر ده‌بینم و هیچ دادپه‌روه‌رییه‌كی تێدا نابینم".
مانگی تەمموزی ساڵی رابردوو به‌هۆی ئاڕاسته‌كردنی تۆمه‌تی جیاواز لەلایەن داواکاری گشتی و دادگای ئیتاڵیاوە كه دیارترینیان هەوڵدانە بۆ دروستکردنی خەلافەتی ئیسلامی لە کوردستان و دروستکردنی گروپێک بۆ رفاندنی دیپلۆماتکارانی ئەوروپا و دروستکردنی رەوتی شاخ و ئەنجامدانی کردەوەی تیرۆریستی لە عێراق و وڵاتانی ئەوروپا، مەلا کرێکار له نه‌ویژه‌وه ره‌وانه‌ی ئیتاڵیا كرا.
