شارپرێس:
جارێكی دیكە فڕوکە جەنگیەکانی تورکیا گوندەكانی سنوری زاخۆی بۆردومانكرد كەبەهۆیەوە رەز و باخی چەند گوندێك زیانی بەركەوت.
بەگوێرەی زانیارییەكانی شارپرێس ئەمشەو فرۆكەجەنگییەكانی توركیا بۆردومانی گوندەكانی پەرەخ و شەرانشی سەروو و دێشیش كردووە.
هەربەگوێرەی زانیارییەكان بۆردومانەكە بووتە هۆی ئەوەی ئاگر لە گوندی و پەرەخ و دێشیش كەوێتەوە و زیانێکی زور بە زەوی و زاری جوتیارانی ناوچەکە گەیاندووە.
ئەوەش دوای ئەوەدێت، لەماوەی دوو ڕوژی ڕابردوودا سوپای تورکیا چوار خاڵی نوێی لە سنوری ناحیەی دەرکار و باتیفای سەر بە قەزای زاخۆ جێگیرکردوە هاوكات سەرەرای راگرتنی ئۆپراسیۆنەكانی بەڵام بۆردومانی فرۆكە جەنگییەكانی بەردەوامە.