شارپرێس:
بەڕێوەبەری گشتی تەندروستی سلێمانی رایدەگەیەنێت، شەش توشبووی دیكەی كۆرۆنا دوای وەرگرتنی چارەسەری پزیشكی چاكبوونەوە و رەوانەی ماڵەوەكرانەوە.
د. سەباح هەورامی لەراگەیەندراوێكدا ئاماژەی بەوەكردووە، شەش تووشبووی تری ڤایرۆسی كۆرۆنا لە سلێمانی چاكبوونەوە و گەڕانەوە ماڵەكانیان.
ئاماژەی بەوەشداوە، کۆی گشتی چاکبوەوە لە شاری سلێمانی گەیشتە ۱۱٦ کەس.
ئەوەش لەكاتێكدایە، هەر ئەمڕۆ لەهەولێر شەش توشبووی دیكەی كۆرۆنا چاكبوونەوە و رەوانەی ماڵەوە كران هاوكات وەزارەتی تەندروستی حكومەتی هەرێمیش لەراگەیەندراوێكدا باسی لەوەكرد كە لەماوەی 24 كاتژمێری رابردوو لەئەنجامی پشكنین بۆ زیاتر لەهەزار كەس هیچ حاڵەتێكی توشبوون بەكۆرۆنا تۆمارنەكراوە.