شارپرێس:
بهڕێوهبهرایهتی گشتی كارهبای ههڵهبجه ڕایدهگهیهنێت "وەک گشت کارمەندانی کارەبا لە سنوری پارێزگای هەڵەبجە و هەر سێ قەزای پێنجوێن و سەیدسادق و شارەزور ، دەنگمان لەگەڵ دەنگی ڕەوای خۆپیشاندەران دایە و پشتگیری تەواوی داواڕەواکانی کۆمەڵانی ڕاپەڕیوی خەڵکی کوردستان دەکەین".
لهڕاگهیهندراوێكی فهرمیدا ئهمڕۆ سێشهممه کارمەندانی کارەبا لە سنوری پارێزگای هەڵەبجە و هەر سێ قەزای پێنجوێن و سەیدسادق و شارەزور كه له پهیجی فهرمی كارهبای ههڵهبجه بڵاوكراوهتهوه ئهوهخراوهتهڕوو، " داوا لە هاوڵاتیانی بەشەرەف و جەماوەری ڕاپەڕیوی خۆڕاگری ناوچەکەمان دەکەین کە کارمەندان و بینا و ئالیات و تۆڕەکان و وێستگەکانی کارەبا زۆر پێویستە وەک سەروەتێکی نیشتمانی بێلایەن و موڵکی گەل بپارێزرێن .. چونکە ئەوەی بونیات نراوە بە دەیان ساڵ بنیات نراوە و دەیان ساڵی تری تاریکی پێویستە تا دەگەینەوە ئەم توانایەی ئێستا".
دهقی ڕاگهیهندراوهكه
ئێمە وەک گشت کارمەندانی کارەبا لە سنوری پارێزگای هەڵەبجە و هەر سێ قەزای پێنجوێن و سەیدسادق و شارەزور ، دەنگمان لەگەڵ دەنگی ڕەوای خۆپیشاندەران دایە و پشتگیری تەواوی داواڕەواکانی کۆمەڵانی ڕاپەڕیوی خەڵکی کوردستان دەکەین ، لە دابین کردنی موچە و ژیانێکی شایستە بە مرۆڤی کورد ... وە هەمیشە خۆمان لە ڕیزەکانی بەرەی گەل دا دەبینینەوە و خزمەتکاری کۆمەڵانی خەڵکین بێ جیاوازی .. وە داوا لەخەڵکی بەشەرەفی ناوچەکەمان دەکەین لەو ڕاستیە تێبگەن کە دابین کردنی بڕی کارەبا لەدەسەڵاتی هیچ کارمەند و لێپرسراوێکی کارەبا لەو دەڤەرەدا نیە .. وە هیچ کارمەندێکی ئێمە بە بەڕێوەبەر و کرێکار و فەرمانبەرەوە نیە حەز نەکات بیست و چوار کاتژمێر کارەبا نەبێت .. بەڵام کاری ئێمە تەنها پاراستن و بەباشی گەیاندنی ئەو بڕە کارەبایە کە حکومەت دابینی دەکات .. بۆیە کارمەندانی ئێمە شەو و ڕۆژ لە خزمەتی هاوڵاتیاندان ...
هاووڵاتیانی بەشەرەف .. دەبێت ئەو ڕاستیە بزانن کە ئەمڕۆ بۆ دابینکردنی ئاوی خواردنەوەت و بەردەوامی خزمەتگوزاری نەخۆشخانە و خوێندنگا و گشت شوێنە خزمەتگوزاریەکان و گشت جومگە زەروریەکانی ژیانت پێویستیمان بە کارەبا هەیە . وە ئێمە هەموو هەوڵ و توانای خۆمان دەخەینەگەڕ بۆ بەردەوامی ژیان لەڕێگەی پاراستنی تۆڕی کارەبا . بۆیە داوا لە هاوڵاتیانی بەشەرەف و جەماوەری ڕاپەڕیوی خۆڕاگری ناوچەکەمان دەکەین کە کارمەندان و بینا و ئالیات و تۆڕەکان و وێستگەکانی کارەبا زۆر پێویستە وەک سەروەتێکی نیشتمانی بێلایەن و موڵکی گەل بپارێزرێن .. چونکە ئەوەی بونیات نراوە بە دەیان ساڵ بنیات نراوە و دەیان ساڵی تری تاریکی پێویستە تا دەگەینەوە ئەم توانایەی ئێستا ..
بۆیە ئێمەش وەک ئێوەی جەماوەر داوا لە دەسەڵات دەکەین موچە و شایستە داراییەکانی خەڵک دابین بکات ...
بۆیە ئێمەش وەک ئێوەی جەماوەر داوا لە دەسەڵات دەکەین ژیانێکی شایستە و ئازادیەکی ڕەها بۆ خەڵکی دابین بکات .
بۆی ئێمەش وەک ئێوەی جەماوەر دوا لە دەسەڵات دەکەین کارەبایەکی بەردەوام و هەمیشەیی بۆ کۆمەڵانی خەڵک دابین بکات ..
ئێمەش گشت کارمەندان بەڵێن دەدەین بە کۆمەڵانی خەڵکی بەشەرەفی ناوچەکەمان هەمیشە لە خزمەتیاندا بین بۆ پاراستن و باشتر گەیاندنی کارەبا بۆ گشت گوند و شار و شارۆچکەیەکی دەڤەرەکەمان ..
داوا لە ئێوەی تێکۆشەر و بەشەرەف و خۆشەویستیش دەکەین با بەهەمومانەوە بونیاتی ژێرخانی کارەبای کوردوستان بپارێزین کە بەرهەمی خوێن و خەبات و ئارەقەی ماندوبونی کۆمەڵانی خەڵکی کوردستانە ..
هیوادارین لە زوترین کاتدا کێشە و ئاستەنگەکانی بەردەم خۆشگوزەرانی گەلەکەمان چارسەر ببن و ژیانێکی ئارام و ئاسودە بۆ خەڵکی بەشەرەفی کوردستان فەراهەم ببێت و ئارامی باڵ بەسەر ژیانی تەواوی خەڵکی کوردوستاندا بکێشێت .....
لەگەڵ ڕێزی بێپایانی بەڕێوەبەر و گشت لێپرسراوانی کارەبا و کارمەند و کرێکارانمان لە ناوچەکەدا ...