شارپرێس
سهرۆك وهزیرانی عێراق بەبەۆنەى نەورۆزەوە پەیامێکى
ئاراسستەى خەڵکى هەرێمى کوردستان کرد و ڕایگەیاند، گەرمترین پیرۆزبایی ئاراستەی گەلی
کوردی ئازیز لە هەرێمی کوردستان دەکەین و دەڵێت: یەک چارەنوسیمان داهاتوومان
پێکەوە دەنەخشێنێت.
ئهمڕۆ، محهمهد شیاع سودانی، سهرۆك وهزیرانی عێراق بە بۆنەى نەورۆزەوە پەیامێکى بڵاوکردەوە و
دەڵێت: بە بۆنەی هاتنی جەژنی نەورۆزەوە، گەرمترین پیرۆزبایی ئاراستەی گەلی کوردی
ئازیزمان لە هەرێمی کوردستانی عێراق و هەموو گەلی عێراقی بەڕێزمان دەکەم، بۆ ئەو هیوا
و خۆشییەی کە ئەم ڕۆژە مەزنە هەڵیدەگرێت بۆ بەدیهێنانی ئایندەیەکی گەش.
دەشڵێت: نەورۆز جارێکی دیکە هەمو پارچەکانی وڵاتەکەمان بەسەر
دەکاتەوە، ڕۆڵەکانی ئێمەش بەردەوامن لە کارکردن و بونیاتنان و پتەوکردنی هەنگاوەکان
بۆ بەدیهێنانی خواست و ئامانجە هاوبەشەکانی گەلی عێراق، ئەوەش لە ژێر ڕۆشنایی بەرنامەی
حکومەتدا، کە گوزارشت لە پێداویستی و خواستەکانیان دەکات.
سودانی وتیشى: ئەم بۆنەیە جەخت لە هێزی فرەچەشنیی و بەردەوامیی
ڕۆڵەکانی گەلەکەمان دەکاتەوە لەگەڵ تەرخانکردنی هەمو هەوڵەکان بۆ پێشکەشکردنی خزمەتگوزاری
و پاراستنی مافەکان.
سهرۆك وهزیرانی عێراق ئاماژەى بەوەشکردووە، نهورۆز ئەوەمان
بیردەخاتەوە کە هیچ جێگرەوەیەک نییە بۆ کارکردنی پێکەوەیی و بەرزڕاگرتنی بەهاکانی
هاوبەشیی و یەک چارەنوسیی و ئەو داهاتوەی کە ئێمە پێکەوە دەینەخشێنین لە سەرانسەری
عێراق.