ئاوی بەنداوی دەربەندیخان بەهۆی خنکانی کەسێکەوە دەگیرێتەوە

کوردستان

17/06/2024‌ 364 جار خوێندراوه‌ته‌وه

 

ئەمڕۆ دووەم رۆژی جەژن لە سنوور ناحیەی مەیدان، ئیدارەی گەرمیان، گەنجێک لە رووباری سیروان لە کاتی مەلە کردن خنکا، بەو هۆیەوە بەنداوی دەربەندیخان دەگیرێتەوە بۆ دۆزینەوە تەرمەکەی.

سلێمان محەمەد سەعید قائیمقامی قەزای دەربەندیخان بە شارپرێسی راگەیاند، گەنجێکی تەمەن ٢٠ ساڵ لە رووباری سیروان لە کاتی مەلەکردن خنکاوە، دانیشتووی قەزای خانەقینە بە مەبەستی بەسەر بردنی کات رووی لەناوچەی گەشتیاری ژاڵەناوکردووە. 

وتیشی " لەسەر داوای بەڕێوەبەری ناحیەی مەیدان، بەردانەوەی ئاوی بەنداوی دەربەندیخان-مان کەمکردۆتەوە و ئاوبەردانەوە وردە وردە رادەگرین، تا تیمەکان بتوانن تەرمەکە بدۆزنەوە".