شارپرێس:

پسپۆڕانی بواری خۆراک پێشنیاری خواردنی هەندێک جۆری پەنیر دەکەن کە یارمەتی دابەزاندنی پەستانی خوێن دەدەن، بە لەبەرچاوگرتنی کەمیی سۆدیۆم و چەوریی تێر، هەروەک دەوڵەمەندیی بە کالسیۆم کە سوودی هەیە بۆ تەندرووستیی دڵ. دیارترینیان لەم جۆرانە بریتین لە:

1- پەنیری مۆزەرێلا: ڕێژەیەکی کەمی سۆدیۆم و چەوریی تێر لەخۆدەگرێت، ئەمەش وایکردووە ببێتە هەڵبژاردەیەکی گونجاو بۆ ئەو کەسانەی کە پەستانی خوێنیان بەرزە.


2- پەنیری قوڕەیش: ڕێژەی خوێ و چەوریی کەم تێدایە، هەروەک سەرچاوەیەکی باشی پرۆتین و کالیسیۆمە.


3- پەنیری شیری بزن: چەوریی و سۆدیۆمی کەمتری تێدایە لەچاو هەندێک جۆری تر، هەروەک ئەو کالیسیۆمە دابین دەکات کە لەش پێویستیی پێیەتی.


4- پەنیری فیتای کەمخوێ: لە کاتی هەڵبژاردنی جۆرەکانی کەم سۆدیۆم، دەتوانێت ببێتە بژاردەیەکی گونجاو بۆ ئەو کەسانەی کە پەستانی خوێنیان بەرزە.


لەلایەکی ترەوە واباشە دوور بکەویتەوە لە خواردنی ڕۆمانۆ و پەنیری پرۆسێس کراو، چونکە ڕێژەیەکی بەرزی خوێ و چەوریی تێریان تێدایە، ئەمەش دەبێتە هۆی بەرزبوونەوەی پەستانی خوێن و زیادبوونی ئەگەری تووشبوون بە نەخۆشییەکانی دڵ.