شارپرێس:

جەعفەر شێخ مستەفا، جێگری سەرۆکی هەرێمی کوردستان رایدەگەیەنێت، لەئێستادا پێشمەرگەی یەکێتی و پارتی نەماوە، بەڵکو تەنها پێشمەرگەی کوردستان هەیە، هەر هێزێکیش لەدەرەوەی وەزارەتی پێشمەرگە بێت هیچ ئیمتیازاتێکی نابێت لە حکومەت و بە ملیشیا هەژمار دەکرێت.

جەعفەر شێخ مستەفا لەلێدوانێکدا بۆ شارپرێس وتی،" یەکخستنەوەی هەردوو هێزەکانی 70 و 80 تەنها گۆڕینی ناوەکانیان نییە بۆ هێزەکانی دەڤەری یەک و دوو، تەنانەت زۆر ئاساییە ئەگەر ئێستا لیوا عومەر بکرێتە فەرماندەی دەڤەری یەک، نەجات عەلیش بکرێتە فەرماندەی هێزەکانی دەڤەری دوو ".

 وتیشی، پۆست و بەرپرسیارێتی موڵکی هیچ کەسێک نییە تاسەر بۆ هیچ کەسێک نامێنێتەوەو بەپێی پێویستی قۆناغەکان فەرماندە سەربازییەکان دەگۆڕدرێن.