شارپرێس:
حامی ئاكسۆی وتەبێژی وەزارەتی درەوەی توركیا لەبارەی رادەستكردنی فەتحوڵڵا گوڵەنی سەرۆكی بزووتنەوەی خزمەت هۆشداریدایە ئەمریكا.
حامی ئاكسۆی، سەبارەت بەكۆبوونەوەكەی 13ی تەمووزی گرووپی كاری هاوبەشی توركیا-ئەمریكا رایگەیاند "لەكۆبوونەوەكەدا بەتایبەتی جەختمان لەسەر ئەوە كردەوە، كە پێویستە ئەمریكا ئیدی لەبارەی فەتحوڵڵا گوڵەن دەستی دەستیمان پێنەكات".
ئاكسۆی ئەوەی وەبیرهێنایەوە، كە یەكەم كۆبوونەوەی گرووپی كار لەنێوان توركیا و ئەمریكادا پێكهێنراوە لە 13ی تەمووزدا لەئەنقەرە ئەنجامدرا و تێیدا بیروڕا ئاڵوگۆڕكراوە لەبارەی بابەتەكانی بەرەنگاربوونەوەی گوڵەن و بەتایبەتی رادەستكردنەوەی، دۆسیەی جێگری پێشووی بەڕێوەبەری گشتی هەڵكبانك، هاكان ئاتیلا، هاریكاری لەبواری داددا لەنێوان هەردوو وڵات و ئەو هاووڵاتییە ئەمریكییانەی لە توركیا دەستبەسەرن.
حامی ئاكسۆی هەروەها رایگەیاند "لەكۆبوونەوەكەدا بەتایبەتی جەختمان لەسەر ئەوە كردەوە، كە پێویستە ئەمریكا ئیدی لەبارەی گوڵەن دەستی دەستیمان پێنەكات".
هـ ـ ح