شارپرێس:
ئه‌مینداری یه‌كگرتووی ئیسلامی كوردستان ڕایگه‌یاند، "سەرۆكایەتی كۆمار پشكی كوردە و ئیتستحقاقە و ئەبێ هێزە سیاسیەكان پێكەوە پاڵێوراوێك بۆ ئەم پۆستە دیاری بكەن و به‌ئه‌نجامه‌كه‌شی رازی ببن".
میدیای فه‌رمی یه‌كگرتوو بڵاویكرده‌وه، سه‌ڵاحه‌دین به‌هادین ئه‌مینداری یه‌كگرتوو له‌وته‌یه‌كدا بۆ ئامادەبووانی یەكەی رێكخستنی كۆیەی حزبه‌كه‌ی ڕایگه‌یاند، "سەرۆكایەتی كۆمار پشكی كوردە و ئیتستحقاقە و ئەبێ هێزە سیاسیەكان پێكەوە پاڵێوراوێك بۆ ئەم پۆستە دیاری بكەن و به‌ئه‌نجامه‌كه‌شی رازی ببن".
ڕاشیگه‌یاند، "رەوا نیە ئەم پۆستە ململانێی لەسەر بكرێت و هەرێمەكەمان بخاتە ژێر پرسیارەوە".
ئه‌مینداری یه‌كگرتوو ئاماژه‌ی به‌وه‌شدا، "یەكگرتوو دەستی لە دزی و كاولكاری و بەهەدەردانی سامانی سەرزەوی و ژێر زەویی نیە و خوا ئەیپارێزێ، یەكگرتوو فیكر و مەعریفەكی تایبەتە و نەیارەكانی ئەمڕۆ بێ یاخود بەیانی ئەبێ بیناسن".
ڕ . ج