شارپرێس:
بەقسەی سەرچاوەیەكی ئاگادار لەوەزارەتی دارایی بۆ شارپرێس، حكومەتی هەرێم دەست بەدابەشكردنی موچەی مانگی هەشتی فەرمانبەران دەكات.

سەرچاوەكە ئاشكرایكرد، دوای ئەوەی بڕی 317 ملیار دینارەكەی حكومەتی عێراق گەیشتووەتە هەولێر، وەزارەتی دارایی لەرۆژی دوو شەممەی داهاتووەوە دەست بەدابەشكردنی موچەی مانگی هەشت دەكات.

سەرچاوەكە ئاشكراشیكرد، دابەشكردنی موچە لەوەزارەتی پێشمەرگەوە دەستپێدەكات‌و دواتر موچەی وەزارەتەكانی پەروەردەو تەندروستی‌و دارایی‌و خوێندنی باڵا دابەشدەكرێت.

هەروەها ئاشكرایكرد، دوای ئەو وەزارەتانە، موچەی وەزارەتەكانی تریش بەپێی خشتەیەك دابەشدەكرێت، بەبێ‌ ئەوەی ئاماژە بەوردەكاری ناوی وەزارەتەكان بكات بۆ دابەشكردنی موچە.

هـ ـ ح