شارپرێس:
مەولود چاوشئۆغڵو، وەزیری دەرەوەی توركیا رایگەیاند، لە ئامادەكاردان بۆ ئەوەی بە دراوی نیشتیمانی بازرگانی لەگەڵ وڵاتاندا بكەن.
مەولود چاوشئۆغڵو، وەزیری دەرەوەی توركیا لەمیانی وتارێكدا لە 18ەمین لووتكەی كۆنسەی وەزیرانی دەرەوەی D-8 رایگەیاند، " لە ئامادەكاریدان بۆ ئەوەی بە دراوی نیشتیمانی بازرگانی لەگەڵ وڵاتان بكەین، بۆ ئەم مەبەستە لەگەڵ زۆر وڵات لە كۆبوونەوەداین".
18ەمین لووتكەی كۆنسەی وەزیرانی دەرەوەی D-8 رۆژی شەممە له ئهنتاڵیا بەڕێوەچوو.
هەریەكە لە لە جەواد زەریف، وەزیری دەرەوەی ئێران، محەممەد ئەحمەد ئەزهەر، وەزیری حكوومەتی پاكستان بۆ كاروباری داهاتەكان و خەدیجە بوكار عەبە ئیبراهیم، وەزیری حكومەتی نێجیریا بۆ كاروباری دەرەوە، داتۆ مارزوكی بین یەحیا، جێگری وەزیری دەرەوەی مالیزیا و سەعید هیندام، جێگری وەزیری دەرەوەی میسر بۆ كاروباری ئابووری و مەحبوب ئوز زامان، راوێژكاری وەزیری دەرەوەی بەنگلادش و موریا ویلیانا، باڵیۆزی ئیندۆنیزیا لە توركیا بەشدارییان تێداكرد.
ه.م