رێگەی "دزین‌و هەناردەكردن"ی نەوتی نەیتەوا بەهەولێردا تێدەپەرێت

sharpress.net

1048 جار خوێندراوه‌ته‌وه

01/02/2019‌

شارپرێس:
سەرچاوەیەكی ئاگادار ئاشكرایكرد، كە رۆژانە نەوت لەكێڵگە نەوتییەكانی پارێزگای نەینەوا "دەدزرێت"‌و رەوانەی توركیا دەفرۆشرێت.

سەرچاوەكە بۆ پێگەی (بغداد الیوم) ئاشكراشیكرد، نەوەكە لەكێڵگە نەوتییەكانی گەیارەوە دەدزێت‌و بە رێگەی مەخموور دەبرێتە هەولێرو لەوێشەوە رەوانەی توركیا دەكرێت.

سەرچاوەكە هەروەها ئاشكرایكردووە، چەند كەسایەتی‌و لایەنێك لەپشت هەوڵی "دزین‌و هەناردەی" نەوتی نەینەواوەن، كە دەسەڵاتی گەورەیان هەیەو ناتوانرێت رێگەیەان لێبكرێت.

پێشتر رەشاد گەلاڵی بەرپرسی كۆمیتەی یەكێتی نیشتمانی لەمەخمور زانیارییەكانی پشتراستكردبووەو لەلێدوانێكی رایگەیاندبوو، رۆژانە نەوتی پارێزگای نەینەوا دەهێنرێتە مەخمورو لەهەولێرەوە رەوانەی توركیا دەكرێت.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved