شارپرێس:
ئەنجومەنی ڕوسیا بەکارهێنانی مۆبایلی زیرەکیی لەکاتی خزمەت
و ئەرکی سەربازیدا قەدەغە کرد.
دەنگدان لەسەر ئەم پلانەش پاش ئەوە ئەنجامدرا، کە وا هەستدەکرا
بەکارهێنانی تۆڕەکانی کۆمەڵایەتی لەکاتی خزمەت و ئەرکی سەربازی لەم وڵاتەدا، هەندێک
نیگەرانی لە دۆخی ئەمنیی لە وڵاتەکەدا بەدوای خۆیدا هێنابوو.
بەپێی ئەم یاسا پەسەندکراوە، کەسانی سەرباز مافی بەکارهێنانی
ئەوموبایل وتابلێت و لاپتۆپانەی کە وێنەو ڤیدیۆ دەگرن و ئەنتەرنێت کار پێدەکەن-یان
نابێت، تەنها ئەوانە نەبێت کە لەڕیزی موبایلی (عادی وئاسایی)ن.
هەروەها بەپێی ئەم یاسایە، کەسانی سەربازی چیتر بۆیان نییە
لەبارەی سوپاوە هیچ شتێک بنووسن و لێدوان بۆ ڕۆژنامەنووسان بدەن، کە بەوتەی نوێنەرانی
ئەم وڵاتە هەندێک نهێنی سەربازی زۆرجار بەهۆی سەربازانەوە دەدرکێنرێت.
لەگەڵ ئەمەشدا بەرپرسانی باڵای ئەم وڵاتە دەشڵێن - بەهۆی
بەکارهێنانی موبایلی سەربازانەوە ئامادەبوونی سەربازانی ڕوسیا لەڕۆژهەڵاتی ئۆکڕاین
وسوریا ئاشکرا بووە، کە ئەمە لەخواستی حکومەتی ڕوسیاو بەرپرسانی هەرگیز نەبووە.
زیاتر لە400نوێنەر لە450نوێنەری ئەنجوومەنی دومای ڕوسیا
بەم یاسایە دەنگیانداوە و چاوەڕوانیش دەکرێت - ڤلادمیر پۆتین- ی سەرۆکی وڵاتیش ئەم
یاسایە پەسەند بکات.
هـ ـ ب