شارپرێس:
لێكۆڵینەوەیەكی نوێی پزیشكی ئەوەی ئاشكرا كردووە، كە بەئامانجی سنووردانان بۆ بڵاوبوونەوەی شێرپەنجەی سییەكان، گرنگە بیبەری توون بەشێوەیەكی مامناوەند بخورێت .
لێكۆڵینەوەكە دەڵێت " رەگەزەكانی بیبەری توون توانای ئەوەیان تێدایە سنوور بۆ بڵاو بوونەوەی شێرپەنجەی سییەكان دابنێن ، ئەوەش دۆزینەوەیەكی زانستی تازەیە، بەتایبەت شێرپەنجەی سییەكان بەشێوەیەكی چوونیەك لای ژنان و پیاوان هۆكاری سەرەكی مردنە ، زاناكانیش سەرنجی هەندێ خانەی سییەكانیان داوە كە بیبەری تیژ بڵاوبوونەوەی خانە شێرپەنجەییەكانیان خاو كردۆتەوە ؛ ئەوەش ئومێدی ئەوە زیاد دەكات كە دەرمانێكی كاریگەر بۆ چارەسەری شیرپەنجەی سییەكان بدۆزرێتەوە ، كە لەئیستادا مامەڵەكردن لەگەڵ ئەو جۆرە شێرپەنجەیە بەو جۆرە دەرمانەی ئیستا لەبەردەستە زۆر قورسە ، ئەویش بەهۆی ئەوەی ناتوانرێت لە قۆناغە بەراییەكاندا تووشبوون بە نەخۆشییەكە دیاری بكرێت و بدۆزرێتەوە ".
بەپێی لێكۆڵینەوەكە بیبەری توون ژمارەی خانە شێرپەنجەییەكانی لەناو سیی ئەو مشكە تاقیگەییەكان كەمكردبۆوە بە بەراورد بەو مشكانەی لەڕێگای بیبەری تیژەوە چارەسەریان بۆ نەكراوە ، بەوەش ئەگەری ئەوە هەیە لەڕێگای ئەو رەگەزە سرووشتیانەی لەناو بیبەری تیژدا هەن چارەسەری یەكێك لە شێرپەنجە هەرە ترسناكەكان بكرێت كە لەئێستادا چارەسەركردنی زۆر قورسە ، هەروەك لیكۆڵینەوەكە پێشنیازی ئەوەی كردووە كە هاوشان لەگەڵ بەكارهێنانی چارەسەرەكانی تری وەك چارەسەری كیمیایی واباشە بیبەری تیژیش بەكارنهێنرێت.
وەرگێران: ئاكۆ عەبدوڵڵا ئاڵی
