شارپرێس:
سەرچاوەیەكی ئەمنی باسی لەوە كردووە، هیزەكانی دژە تیرۆر 25 دەستگیركراوی عەرەبی خەڵكی كەركوكیان ئازاد كردووەو رادەستی دەزگا ئەمنییەكانی شارەكەیان كردووە.
ئەو سەرچاوەیە باسی لەوەش كردووە، ئەو كەسانە عەرەبی كەركوك بوون و پیشتر لەلای هێزەكانی دژە تیرۆر زیندانی كرابوون ، بەڵام ئەمڕۆ هەینی ئەو ٢٥ دەستگیركراوە گەیەنراونەتەوە كەركوك.
بەقسەی ئەو سەرچاوەیە لەچوارچێوەی باشبوونی پەیوەندییەكانی نێوان یەكێتی نیشتمانی و حیزبە عەرەبییەكانی كەركوكدا ، وابڕیارە سەرجەم زیندانییە عەرەبەكان ئەوانەی لای هێزەكانی سەر بەو حیزبەن ئازاد بكرێن.
بەپێی زانیارییەكان ئەو زیندانییە عەرەبانە دوای رادەستكردنەوەیان بە دەزگا ئەمنییەكانی كەركوك هەر لەو شارە دادگایی دەكرێن .
هـ ـ ح