شارپرێس:
موقتەدا سەدری سەرۆكی ڕەووتی سەدری، ئەوەی دووپات كردەوە نایەوێت جەنگ لە دژی ئێران بەرپابێت، ناشیەوێت هیچ لایەنێك بە جەنگ و شەڕو شۆڕ عێراق هەراسان كات و بیكاتە گۆڕەپانی شەڕ.
سەدر لەسەر پێگەی كۆمەڵایەتی خۆی لە تویتەر، لە تویتێكیدا نووسیوویەتی: "ئێمە گەورە پیاوانی عێراق، پێویستیمان بە هەڵوێستەكردنێكی لێبڕاوانە هەیە، بۆ بەدوورگرتنی عێراق لە نینۆك و كەڵبەی جەنگێكی خوێناوی، كە ئەگەر بەرپابێت، تەڕ و وشك بەیەكەوە دەسوتێنێت".
سەدر دەشڵێت: عێراق پێویستی بەوەیە گەلەكەی دژ بە جەنگ دەنگ هەڵبڕێت، ئەوەشی دووپات كردەوە ئەگەر عێراق یەكدەست و یەكڕیز نەبێت، لە دۆخی بەرپابوونی جەنگدا، بە یەكجاری كۆتایی پێ دێت.
هەروەها وتیشی: "ئەوەی هۆشداریتان دەداتێ ، لە ئایندەدا خاوەنی پاساوە، ئەوەی لەسەر من بوو پێتان بڵێم پێم وتن".
سەرۆكی ڕەوتی سەدر جەختی لەوەش كردەوە، هەر لایەنێك عێراق بگلێنێتە جەنگەوە و بیكاتە گۆڕەپانی جەنگەكە، ئەو لایەنە دوژمنی گەلی عێراقە.
سەدر بەوە كۆتایی بە قسەكانی هێنا كە نووسیوویەتی : "بەسە جەنگ ".
وەرگێران: لوقمان حاجی قادر