زانیاری لەسەر ئەو پیاوەی ورچێك ماوەی مانگێك رفاندبووی

هەمەڕەنگ

29/06/2019‌ 2624 جار خوێندراوه‌ته‌وه

شارپرێس:
پیاوێكی روسی دوای ئەوەی لەلایەن ورچێكەوە هێێرشی دەكرێتە سەر و دەیباتە ناو حەشارگەكەی  تاوەكو  دواتر و لەكاتی برسێتیدا وەك ژەمێكی چەور بیخوات ، بەڵام خۆشبەختانە لالەیان چەند راوچییەكەوە، كە بەو ناوەدا تێپەڕیبوون ڕزگار دەكرێت .

راپۆرتەكان باس لەوە دەكەن، كە كۆمەڵێك راوچی لەكاتی تێپەڕینیان بەلای لانەی ورچێكدا لەناو یەكێك لە دارەستانە دوورەدەستەكانی روسیا  سەگەكانیان دەستیان كردووە بە وەڕین‌و ئامادە نەبوون جێگاكە جێبهێڵن ، كاتێكیش راوچییەكان سەیرێكی ناو لانەكەیان كردووە كەسێك دەبینن، كە سەرەتا وادەزانن ئەوە مرۆڤێكی مۆمیاكراوە، بەڵام دواتر زانیویانە كەسەكە هێشتا لەژیاندایە.

كەسە قوربانییەكە ناوی ئەلێكساندەرە و بەهۆی هێرشی ورچەكەوە برینی زۆر قوڵ و مەترسیدار لە جەستەیدا هەیە ، كە ڕووداوەكەش نزیكەی مانگێك پێشتر لەناوچەی دوورەدەستی  "تۆڤا" روویداوە.

كەسەكەش بەخێرایی گەیەنراوەتە نەخۆشخانە ، دوای پشكنینی پزیشكی دەردەكەوێت، كە ئەلێكساندەر بڕبرەی پشتی شكاوە ، لەكاتی قسەكردنیشی بۆ پزیشكەكان وتوویەتی: ورچەكە توانیویەتی بەسەریدا زاڵ بێت و دواتر رایكێشاوەتە ناو لانەكەی ، بەو جۆرە ماوەی مانگێك لەوێدا بووە.

لەبەشێكی تری قسەكانیدا ئەلێكساندەر دەڵێت: ورچەكە هێشتبوومییەوە تاوەكو لەكاتێكی دواتردا بمخوات ، بۆ ئەوەی لەژیانیشدا بمێنمەوە بەناچاری میزی خۆم دەخواردەوە.

بەپێی راپۆرتەكان بێت پزیشكەكان وتوویانە ناتوانین شرۆڤەی ئەوە بكەین چۆن ئەو كەسە دوای ئەو هەموو برینە نەمردووە .

ورچی قاوەیی یەكێك لە خووەكانی ئەوەیە، كە نێچیرەكانی هەڵدەگرێت تاوەكو دواتر بێتەوە سەریان و بیانخوات .

وەرگیران:  ئاكۆ عەبدوڵڵا ئاڵی

بەپەلە