شارپرێس:
ئەمڕۆ حزب و لایەنە کوردستانییەکان لە کەرکوک لەبارەى هەلبژاردنى ئەنجومەنى پارێزگاکان کۆدەبنەوە.
بریارە ئەمڕۆ یەکشەممە لە بارەگای حزبی زەحمەتكێشانی كوردستان لە كەركوك نوێنەرى حزب و لایەنە كوردستانییەكان کۆببنەوەو لە كۆبوونەوەكەدا رەوشی كەركوك و ئامادەكارییەكان بۆ هەڵبژاردنی ئەنجومەنی پارێزگاكان تاووتوێ دەكرێت.
هەروەها لەکۆبوونەوەکەدا پرسى یەکخستنى وتارو هەڵوێستى لایەنەکان بەرامبەر پرسى کەرکوک و هەلبژاردنەکان و بانگەشە گفتوگۆى لەسەر دەکرێت.
هاوکات کۆبوونەوەیەکی دەزگاکانی راگەیاندن و راگەیاندنی حزبەکانە بۆ ئەوەی تەواوکەری کارەکانی لیستی "کەرکوک کوردستانییە" ئەنجامبدەن و بریارە ستراتیژێک بۆ مامەڵەکردن لەگەڵ پێشهاتەکان دابنرێت.
مانگى رابردوو لایەنە کوردییەکانى کەرکوک بریاریدان بەیەک لیست بەشدارى هەڵبژاردنى ئەنجومەنى پارێزگاکان بکەن.
س.هـ