شارپرێس:

لێکۆڵینەوەیەکی نوێی پزیشکی ئاشکرای کردووە کە لەڕێگای گرتنەبەری چەند هەنگاوێکەوە دەکرێت خۆ لە نەخۆشییەکانی میز و میزەڕۆ بپارێزین .

لێکۆڵینەوەکە کە لە پێگەی "هێلس ڤێری وێڵ"دا بڵاوکراوەتەوە دەڵێت رۆژانە بەگرتنەبەری چەند خوویەکی تەندرووستی سادە دەکریت جەستە و کۆئەندامی میز و میزەڕۆ لەتووشبوون بە نەخۆشییەکان بپارێزرێت ، لەناویاندا هەوکردنی درێژخایەنی میزەڕۆ و درووستبوونی بەردی گورچیلەکان .

لێکۆڵینەوەکە ئاماژەی بە چوار ئامۆژگاری پێویست کردووە بۆ پاراستنی تەندرووستی کۆئەندامی میزەڕۆ ئەوانیش :

1- دوورکەوتنەوە لە خواردنەوەی چا
ئەو کافایینەی لەناو چادایە دەبێتە هۆی ئەوەی کۆئەندامی میز و میزەڕۆ تووشی چەندین نەخۆشیی بکات لە دیارترینیان میزرانەگرتن لەبەر ئەوەی کافاین یەکێکە لە ماددە میزهێنەرەکان .

2- ئاو خواردنەوە

خواردنەوەی بڕی پێویست لە ئاو دەبێتە هۆی پاراستنی تەندرووستی گشتیی جەستە و پاککردنەوەی لە ژەگرەکان ، هەروەک رۆژانە خواردنەوەی بڕی هاوسەنگ لە ئاو ٦ بۆ ٨ کوپ دەبێتە هۆی پاراستنی تەندرووستی کۆئەندامی میزەڕۆ .

3-خوێ
بە خوێ دەگوترێت "ژەهری سپی " ئەویش بەهۆی زۆری ئەو زیانانەی بۆ جەستەی مرۆڤی هەیە ، بەجۆرێک بڕێکی زۆر سۆدیۆمی تێدایە کە وا لەجەستە دەکات شلەکانی ناو دابنێت و کاریگەری بکاتە سەر تەندرووستی گورچیلەکان و دواتر دەبێتە هۆی درووستبوونی بەردی گورچیلە .

4- خۆ پاک وخاوێن راگرتن
راگرتنی پاک و خاوێنی جەستە ڕێگری دەکات لەوەی بەکتریای تووشکەری کۆئەندامی میزو میزەڕۆ تووشی جەستە ببێت کە هۆکارە بۆ هەوکردنی ڕێرەوی میز .

وەرگێران : ئاکۆ عەبدوڵڵا ئاڵی