شاپرێس:
وەزیری دەرەوەی ئێران دوای كۆبوونه‌وه‌ی له‌گه‌ڵ فواد حسێن وه‌زیری ده‌ره‌وه‌ی عێراق رایگه‌یاند، پشتیوانی له‌ سه‌قامگیری و یه‌كپارچه‌یی خاكی عێراق ده‌كه‌ن و ئاسایشی عێراق بۆ ئه‌وان گرنگه‌.

بەپێی ئاژانسی هەواڵی میهری ئێرانی، ئه‌مڕۆ شه‌ممه‌ له‌میانی كۆبوونه‌وه‌یه‌كدا محەمەد جەواد زەریف، وەزیری دەرەوەی ئێران و فواد حسێن وەزیری دەرەوەی عێراق سەبارەت بە پەیوەندییە دوو لایەنەکانی ئێران و عێراق و بابەتەکانی ناوچەکە و جیهان گفتوگۆیان کردووه‌.

زەریف بە ئاماژە بە هێرشەکان بۆ سەر شوێنە دیپلۆماتیکەکان و زەروورەتی  دەستەبەری ئاسایشی دیپلۆماتەکانی ئێرانی لە عێراق، رایگه‌یاند: "هه‌رجۆره‌ هێرشێك بۆ سه‌ر دامه‌زراوه‌ دیپلۆماتییه‌كان ئیدانه‌ ده‌كه‌ین و ره‌تیده‌كه‌ینه‌وه‌".

فواد حسێن وەزیری دەرەوەی عێراق ئه‌مڕۆ شه‌ممه‌ به‌ سه‌رۆدانێكی فه‌رمی گه‌یشته‌ تاران و له‌گه‌ڵ به‌رپرسانی باڵای ئه‌و وڵاته‌ كۆبووه‌وه‌، بۆ گفتوگۆکردن لەبارەی ڕێگاکانی فراوانکردنی پەیوەندییە دووقۆڵییەکان.
ه.م