شارپرێس:
ئاوات محەمەد قایمقامی ناوەندی سلێمانى لەکۆنگرەیەکى رۆژنامەوانیدا رایگەیاند، لە ٢٦ رۆژی رەمەزاندا لەرێگەى لیژنەکانەوە ٧٨١٥ سەردانیان ئەنجامداوە ٨٢٥ سەرپێچی تۆمار کراوەو ٥٥٠ ئاگادار کردنەوەیان هەبوو، هاوکات ١٢٠ شوێن داخراوەن و ١٢ کەیسى دادگا هەبووە لەکۆى ئەو سەرپێچیانە ٤٨ ملیۆن و ٥٠ هەزار غەرامە هەبووە.
قایمقامى سلێمانى ئاماژەى بەوەشکرد، بەشى زۆری شوێنەکانى دیکە پابەندى رێنماییەکانى قایماقمییەت بوون، ئەوەش جێگای دڵخۆشییە کە زۆرینە پابەندی رێنماییەکانن.
هەروەها باسى لەوەشکرد، سەردانى و بەداداچوونەکاندا زیاد دەکەن ئەوەش بۆ ئەوەیە کە هەموو لایەک پابەند بن، بۆیە ئەوان لە ناچاریداو لەپێناو هاوڵاتیان ئەو شوێنانەیان داخستووە.
س.هـ