شارپرێس
لە سلێمانی بەهۆی رووبەڕووبوونەوە و شەڕ لەنێوان دوو "تۆمەتبار" و
مەفرەزەیەکی ئاسایشدا، "تۆمەتبارێک"دەکوژرێت و دوو کارمەندی ئاسایشیش بریندارن.
بەگوێرەی زانیارییەکان کە بەدەست پەیامنێری شارپرێس کەوتوون، ئەو "تۆمەتبار"ەی گیانی لەدەستداوە، بەبرینداریی گەیەنراوەتە نەخۆشخانەو لەوێ گیانی لەدەستداوە.
هەر لە رووداوەکەدا دوو کارمەندی هێزەکانی ئاسایش بریندارن و هێشتا بە تەاویی شوێنی رووداوەکە و هۆکارەکەی روون نییە.
لەسەر ئەم رووداوە بەڕیوەبەرایەتیی ئاسایشی سلێمانی روونکردنەوەیەکی بڵاوکردەوە و دەڵێت "تۆمەتبار" بوون و لەگەڵ هێزەکانیان رووبەڕوو بوونەتەوە.
ئاسایشی سلێمانی لە
راگەیەنراوێکیدا دەڵێت "ئێوارەی ئەمڕۆ پێنجشەممە ٢٤ / ١١ / ٢٠٢٢ لەکاتێکدا
هێزەکانمان لە ئەرکی رەسمی و راپەڕاندنی رێکارە یاسایی و ئەمنییەکانی خۆیاندا بوون
لە بازگەی سلێمانی، دوو ئۆتۆمبێل خاڵی پشکینن دەبەزێنن و ھەڵدێن و رووبەڕووی
ھێزەکانمان دەبنەوەو دوو کارمەندنی ئاسایش برینداردەکەن.
لە راگەیەنراوەکەی
ئاسایشدا هاتووە "دوای گرتنەبەری رێکاری ئەمنی بەرامبەریان تۆمەتبار (
تەقەکەرەکە ) بە برینداری دەستگیر دەکرێت و ئۆتۆمبێلەکەی تریشیان لەڕێڕەوی خۆی
لادەدات و وەردەگەڕێت و تۆمەتباری دووەھەمیش دەستگیرکرا".
ئاسایش دەشڵێت "دوای پشکنین دەرکەوت لەناو ئۆتۆمبێلی یەکێک لە
تۆمەتبارە ھەڵھاتووەکان بارێکی چەکی پێبووە( ٢٦٧ پارچەچەک ، فیشەک و تەقەمەنی و مەرامی بووە ھەڵبێت و لەدەرەوەی یاسا خۆی
دەربازبکات".
بەگوێرەی روونکردنەوەکەی ئاسایش، ئەم رووداوە رێڕەوی یاسایی خۆی وەرگرتووە و
لێکۆڵینەوەی ورد لەو بارەیەوە دەستیپێکردووە، بەپێی زانیارییەکان دەرکەوت
تۆمەتباری لەیاسا ھەڵھاتوو کە بەبرینداری دەستگیرکرا پێشتر داواکراوبووە لەلایەن
دادگاوە.