یەکێتی زانیاریی گرنگ لەبارەی هەڵبژاردنی پەرلەمانی کوردستان ئاشکرادەکات

کوردستان

09/05/2023‌ 1579 جار خوێندراوه‌ته‌وه

شارپرێس؛
لێپرسراوی دەزگای هەڵبژاردنی یەكێتی دەڵێت: بە بەراوردی ئاماری وەزارەتی پلاندانانی عێراق و هەرێم، بۆ هەولێر و دهۆك (415) هەزار كەس زیادكراوەو بۆ سلێمانی و هەڵەبجە (128) هەزار كەس كەمتر دانراوە، بۆ سلێمانی 8 كورسی كەمتر دانراوەو بۆ هەولێر پێنج كورسی زیاتر و بۆ دهۆك 3 كورسی زیاتر دانراوە.

لە كۆنگرەیەكی رۆژنامەوانیدا رزگار حاجی حەمە لێپرسراوی دەزگای هەڵبژاردنی یەكێتی ڕایگەیاند، ژمارەی دانایشتوانی پارێزگاكانی هەرێم بەپێی ئاماری وەزارەتی پلاندانانی هەرێم بەمشێوەیەیە: 
پارێزگای هەولێر: 2 ملیۆن و 254 هەزارو 422 كەسە 
پارێزگای سلێمانی + هەڵەبجە : 2 ملیۆن و 268 هەزار كەسە
پارێزگای دهۆك: ملیۆنێك و 648  هەزارو 611 كەسە 
ژمارەی دانیشتوانی پارێزگاكانی هەرێم بە پێی ئاماری پلاندانانی عێراق:
پارێزگای هەولێر: 2 ملیۆن و  55 هەزارو 448 كەسە  واتا جیاوازیەكە ( 198 هەزارو 974) كەس زیاترە  
پارێزگای سلێمانی + هەڵەبجە : 2 ملیۆن و 396 هەزار كەسە  جیاوازیەكە ( 128 هەزارو 156 ) كەس كەمترە 
پارێزگای دهۆك: ملیۆنێك و 432  هەزارو 369 كەسە واتا جیاوازیەكە (  216) هەزار كەس زیاترە .

بەركەوتەی كورسیەكان بە یەك بازنەیی عەدالەتی تیا نیە هیچ پێوەرێك نیە بۆ دانانی كورسیەك.

لە ئێستادا بەیەك بازنەیی:
سلێمانی و هەڵەبجە: 37 ئەندامیان لەپەرلەمانی كوردستانە
هەولێر: 44 ئەندام پەرلەمانە 
دهۆك: 30 ئەندام پەرلەمانە 

بەڵام لە فرە بازنەیی:
سلێمانی و هەڵەبجە: 45 ئەندامی دەبێت 
هەولێر: 39 ئەندامی دەبێت 
دهۆك: 27 ئەندامی دەبێت