شارپرێس
دوای ئەوەی لە شاری كۆبانێی ڕۆژئاوای كوردستان منداڵێك بە ناوی مەراڵ
عەدنان، كەوتە ناو بیرێكی ئاوەوە و لە دوێنێوە گیری خواردبوو تیایدا، ئەمڕۆ هەینی
گیانی لەدەستدا.
دوێنێ كاتژمێر پێنجی ئێوارە، لە گوندی بێندێری ڕۆژئاوای شاری كۆبانێ
منداڵێك بەناوی مەراڵ عەدنان تەمەن سێ ساڵ كەوتە بیرێكی ئاوەوە و قوڵی بیرەكە 18
مەترە.
لە دوێنێوە، مانگی سوری كوردی و تیمی ڕزگاركردنی شارەوانی كۆبانێ لە
هەوڵدا بوون بۆ ڕزگاركردنی ئەو منداڵە، بەڵام بەپێی زانیارییەكانی پەیامنێری
شارپرێس لە ڕۆژئاوای كوردستان، کەمێک لەمەوبەر گیانی لەدەستدا و نەتوانرا رزگار
بکرێت بەزیندویی.
تیمی فریاگوزاری ڕزگاركردنی مەراڵ عەدنان بە شارپرێسیان ڕاگەیاند، ئێستا
مەراڵ تەرمەکەی لەنێو بیرەکەدایە و سەرقاڵی ئەوەن تەرمەکەی دەربهێننەوە.
