شارپرێس
سبەنێ شاندێک لە دەستەی
بەڕێوەبەرانی پرۆژەی " ھەژماری من "، سەردانی بەغدا دەکەن و ئامانجی سەردانەکەش،
دروستکردنی لێکتێگەیشتنێکە لەنێوان ھەرێم و بەغدا لەبارەی پرۆژەکە.
کەناڵى کوردستان نیوز
لە زارى سەرچاوەیەک لە ئەنجومەنی وەزیرانی ھەرێم بڵاویکردەوە، سبەی وەفدێک لە دەستەی
بەڕێوەبەرانی " ھەژماری من " سەردانی بەغداد دەکەن و لەگەڵ نووسینگەی سەرۆک
وەزیرانی عێراق و لێپرسراوانی بانکی ناوەندی کۆدەبنەوە.
وەک لە هەواڵەکەدا
هاتووە، ئامانج لەو سەردانە، گفتوگۆکردن و دروستکردنی لێکتێگەیشتنێکە، بۆ بە نیشتیمانیکردنی
مووچەی فەرمانبەرانی ھەرێم، لە رێگەی پرۆژەی ھەژماری منەوە.
هەروەها، بڕیارە لە چەند رۆژی داھاتوودا، وەفدێکی
دیکەی ھەرێم سەردانی بەغداد بکات، بۆ گفتوگۆکردن و چارەسەرکردنی ھەمیشەیی پرسی
مووچە و خەرجکردنی بوودجەی ھەرێم لەلایەن بەغدادەوە.