شارپرێس
وتەبێژی کۆمیسیۆنی باڵای
هەڵبژاردنەکانی عێراق رایگەیاند، پێنج نموونەی کارتی دەنگدانی بۆ هەر چوار بازنەی
هەڵبژاردنەکانی پەرلەمانی کوردستان ئامادەکراوە و ١٧٣ بنکە بۆ دەنگدانی گشتی و حەوت بنکەی دیکەش بۆ
دەنگدانی تایبەت ئامادە دادەمەزرێنێت.
جومانە غەلای، وتەبێژی
کۆمیسیۆنی باڵای هەڵبژاردنەکانی عێراق بە میدیاى یەکێتى وتووە، فەرمانگەی راگەیاندن
و پەیوەندییەکانی کۆمیسیۆنی باڵای هەڵبژاردنەکان چوار نموونەی کارتی دەنگدانی بۆ هەر
چوار بازنەی هەڵبژاردنەکانی پەرلەمانی کوردستان، لە پارێزگاکانی هەولێر، سلێمانی،
دهۆک و هەڵەبجە ئامادەکردووە، هەروەها نموونەیەکیش بۆ هەڵبژاردنی تایبەت ئامادەکراوە.
وتەبێژى کۆمیسیۆن
دەشڵێت: پاش پەسەندکردنیان لەلایەن ئەنجوومەنی کۆمسیارانەوە، ئەو نموونانە بۆ هەڵبژاردنەکان
جێگیردەکرێن.
ئاماژەى بەوەشکرد، کۆمسیۆنی
باڵای هەڵبژاردنەکان لە هەرێمی کوردستان ١٧٣ بنکە بۆ دەنگدانی گشتی و حەوت بنکەش بۆ
دەنگدانی تایبەت لە شارەکانی هەولێر، سلێمانی، دهۆک و هەڵەبجە دادەمەزرێنێت.