پارێزگای هەولێر: سبەی گەرما دەگاتە 45 پلە بەڵام پشوو ڕاناگەیەنین

کوردستان

10/07/2024‌ 106 جار خوێندراوه‌ته‌وه


پارێزگای هەولێر رەتیدەکاتەوە سبەی پێنجشەممە بەهۆی بەرزبوونەوەی پلەی گەرما دەوامی فەرمانگەکان بکەنە پشوو و دەڵێت: لە هەولێر پلەی گەرما 45 پلە دەبێت.

سابیر حسێن، بەڕێوەبەری راگەیاندنی پارێزگای هەولێر رایگەیاند، بەگوێرەی پێشبینییەکانی کەشناسی، سبەی لە هەولێر پلەی گەرما 45 پلە دەبێت و هیچ بڕیارێک نییە سبەی لە سنووری پارێزگاکە بەهۆی بەرزبوونەوەی پلەی گەرما پشوو رابگەیەندرێت و دەوام ئاسایی دەبێت.

ئەمڕۆ چوارشەممە، هەریەک لە پارێزگاکانى زیقار، موسەننا و واست بەهۆى پێشبینییەکان بۆ بەرزبوونەوەى زیاترى پلەکانى گەرما دەوامى سەرجەم دامودەزگاکانى حکومەتیان لەو پارێزگایانە کردە پشووى فەرمى.

بەپەلە