شارپرێس

لاهور شێخ جەنگى سەردانى ئیدارەى سۆرانى کرد و لەناو بازاڕى سۆرانەوە ڕایگەیاند، ئەگەر پێویست بکات داوای ڕاپەڕین دەکەم و خۆشم یەکەم کەس دەبم.

ئەمڕۆ، لاهور شێخ جەنگى سەرۆکى لیستى بەرەى گەل لە سلێمانى سەردانى ئیدارەى سۆرانى کرد و لەناو بازاڕى سۆران ڕایگەیاند، یەکێتى و پارتى ئەگەر ڕاست دەکەن خۆیان دەکەن بە خاوەنى ئەم خەڵکە، خەڵک خەریکە لە برسان دەمرێت.

هەروەها وتیشى: بەزمانى خۆیان قسە لەگەڵ یەکێتى و پارتى دەکەم، ئەگەر دیموکراسیتان دەوێت ئەوە سندوقەکانى دەنگدان، ئەگەر دەتانەوێت بە زەبرى هێز خۆتان بسەپێنن هێزى گەل لە هەموو هێزێک بەهێزترە.

ڕوى قسەکانى لە پارتى و یەکێتى کرد ڕایگەیاند، یەکەم کەس دەبم داواى ڕاپەڕین دەکەم ئەگەر بەهێز ڕوبەڕوى خەڵک ببنەوە و وتى: خۆیشم پێش خەڵک دەکەوم.