حیزبی دیموکراتی کوردستانی ئێران لە ڕوونکردنەوەیەکدا دەنگۆی دانووستان لەگەڵ کۆماری ئیسلامی ئێران ڕەت دەکاتەوە.
لە ڕونکردنەوەکەدا هاتووە " ڕادەگەیەنین؛ حیزبی دێموکراتی کوردستانی ئێران، وێرای باوەڕی لەمێژینەی بە دیالۆگ و وتوێژ وەک ئەسڵ و پڕنسیپێکی خەباتکارانە لەپێناو چارەسەری ئاشتیخوازانەی پرسی نەتەوایەتیی خەڵکی کوردستانی ئێران، هیچ جۆرە وتوێژ و دانوستانێکی لەگەڵ کۆماری ئیسلامیی ئێراندا نییە".
دەشڵێت "سیاسەت و پێوەندییەکانی حیزبی دێموکراتیش لە ئاست وڵاتان و لایەنە سیاسییەکان، لەسەر ئەساس و بنەمای بەرژەوەندییە باڵاکانی خەڵکی کوردستان داڕێژراوە و، هەر لەسەر هەمان ڕێچکە دەمێنێتەوە و دەچێتە پێش".