شارپرێس:
ئەندامێکی رێكخراوی ( CPT) ئەمریكی زانیاری لەبارەی هێرشەکەی ئەمشەوی سەر گردی ریعایەی شاری سلێمانی ئاشکرادەکات و دەڵێت، کەسێک برینداربوە.

کامەران عوسمان، ئەندامی رێكخراوی ( CPT) ئەمریكی لەڕاگەیەنراوێکدا ئاماژەی بەوەکرد،" لە کاتژمێر 10:18 خولەکی ئەمشەو، سوپای پاسدارانی ئێران هێرشی کردە سەر بارەگای کۆنی UN لە سلێمانی، بەهۆی ڕووداوەکەوە پاسەوانێکی بارەگاکە برینداربوە و گواستراوەتەوە بۆ نەخۆشخانە ".

هاوکات، هەڤاڵ ئەبوبەکر، پارێزگاری سلێمانی لەپەیامێکدا باسی لەوەکرد،" داوا لە هاوڵاتی بەڕێزی شاری سلێمانی دەکەین؛ لە پێناوی پارێزراویی و سەلامەتی خۆیان و، ڕێگەنەگرتن لە تیمە فریاگوزاریی و لایەنە پەیوەندیدارەکان، بەهیچ شێوەیەک سەردانی ناوچەی بۆردومانکراوی گەڕەکی بەرانان نەکەن و، بەدەرەوە نەبن ".