حكومەتی عێراق بەفەرمی پێشوازییان لێناكات
شاندێكی لایەنە سیاسییەكانی هەرێم بەبێ‌ پارتی سەردانی بەغدا دەكەن

sharpress.net

4600 جار خوێندراوه‌ته‌وه

01/01/2018‌

شارپرێس:
شاندێكی لایەنە سیاسییەكانی هەرێمی كوردستان بەبێ‌ پارتی دیموكرات سەردانی شاری بەغدا دەكەن، كە حكومەتی عێراقیش ئامادەنییە بەفەرمی پێشوازییان لێبكات.

رۆژنامەی عەرەبی جەدید، لەزاری سەرچاوەیەكی سیاسی هەرێمی كوردستان ئاشكرایكردووە، كە چەند لایەنێكی سیاسی هەرێمی كوردستان لەگفتوگۆدان بۆ ئەوەی شاندێك پێكبهێنن، بۆ سەردانیكردنی بەغداو كۆبوونەوە لەگەڵ لایەنە عێراقییەكان.

رۆژنامەكە ئاشكراشیكردووە، كە ئەو لایەنانە بەبێ‌ پارتی دیموكرات، كە دەسەڵاتی سیاسی‌و ئابووری‌و سەربازی‌و ئیداری هەرێمی كوردستانی بەدەستە شاندەكە پێكدەهێنن‌و سەردانی بەغدا دەكەن.

لەو بارەشەوە، سەعد حەدیسی وتەبێژی حكومەتی عێراق رایگەیاندووە، كە ئەوان ئاگاداری سەردانێكی لەو جۆرە نین، ئەگەر سەردانێكی لەو جۆرەش هەبێت، وەك شاندێكی حیزبی مامەڵەیان لەگەڵ دەكەن‌و بەفەرمی پێشوازییان لێناكەن.

سەعد حەدیسی راشیگەیاند، ئەوان دەیانەوێت لەگەڵ لایەنە فەرمییەكانی هەرێمی كوردستان، كە حكومەتی هەولێر گفتوگۆ بكەن‌و جەختیشیكردەوە، تائێستا هیچ وادەیەك بۆ ئەنجامدانی گفتوگۆ دیارینەكراوە.

ئەمە لەكاتێكدایە ماوەیەكە كێشەكانی نێوان هەرێمی كوردستان‌و عێراق قووڵبووەتەوە، ئەوەش بەهۆی ئەنجامدانی ریفراندۆمی سەربەخۆیی لەمانگی نۆی رابردوو، ئێستاش چەند هەوڵێك هەیە بۆ چارەسەری كێشەكان.

ئەو سەرچاوەیە بۆ رۆژنامە عەرەبییەكە ئاشكراشیكردووە، كە شاندەكە بەمەبەستی رەخساندنی زەمینە بۆ دەستپێكردنەوەی گفتوگۆی نێوان هەولێرو بەغدا كۆبوونەوە لەگەڵ لایەنە عێراقییەكان دەكات.

هـ ـ ح 





ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved