ڤیدیۆ.. خۆپیشاندان لە شارەکانی ئێران و ڕۆژهەڵاتی کورستان بەردەوامە

sharpress.net

812 جار خوێندراوه‌ته‌وه

01/01/2018‌

شارپرێس:
خۆپیشاندان و ناڕەزایەتییەکانی ئێران لەگەڵ بەرپەرچدانەوە توندەکانی حکومەتی ئێران هەر بەردەوامە و فراوانتر بون.

 

ئەمڕۆ دوشەممە یەکەم ڕۆژی ساڵی نوێی ٢٠١٨ بووە پێنجەمین ڕۆژی بەردەوامی خۆپیشاندانەکانی شارە گەورەکانی ئێران و ڕۆژهەڵاتی کوردستان و تادێت خۆپیشاندانەکانیش فراوانتر دەبن و ژمارەی کوژراو و بریندارەکانیش بەرزتر دەبنەوە.

 

گرتە ڤیدیۆکانی خۆپیشاندانەکانی ئێران تەواوی تۆڕە کۆمەڵایەتییەکانیان پڕ کردووە و خۆپیشاندەرانیش بەبەردەوامی دروشم دژی حکومەتی کۆماری ئیسلامی ئیران و دژی عەلی خامەنیی ریبەری شۆڕشی ئینقلابی ئێران و حەسەن ڕۆحانی سەرۆک کۆماری ئێستای ئێران دەڵینەوە.

 

لە گرتە ڤیدیۆکانیش دەردەکەوێت کە هێزە ئەمنییەکانی ئیران بە توندی دژی خۆپیشاندانەکان دەبنەوە و هێرشیان دەکەنە سەر.

خۆپیشاندان لە تارانی پایتەخت

خۆپیشاندان لە شاری ئەهواز

 

خۆپیشاندان لە شاری سنە 

ئەوەش دوای ئەوە دێت کە ماوەی چەند ڕۆژێکە لە شارە گەورەکانی ئێران و ڕۆژهەڵاتی کوردستان خۆپیشاندان و ناڕەزایەتی دژی سیستەمی حوکم و گەندەڵی و برسیەتی دەستیپێکردووە و تا ئێستاش نزیکەی ١٥ خۆپیشاندەر کوژراون و  ١٠ خۆپیشاندەریش دەستگیرکراون و زیاتر لە ٥٠ خۆپیشاندەریش بریندار بون و هەروەها سەدان خۆپیشاندەریش دەستگیرکراون  و جێگای ئامەژەپێکردنیشە لەسەجەم شارەکان خۆپیشاندەرن دروشمی "مەرگ بۆ خومەینی" ڕێبەری باڵای ئینقلاب و "مەرگ بۆ رۆحانی" سەرۆکی وڵاتەکە و "بروخێ حکومەتی دز" و "پۆلیسی دز بگرە خەڵکی مەگرە" و "واز لە سوریا بێنەوە و گەلانی ئێران بژییەنە" دەڵێنەوە.

هـ ـ ر






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved