شارپرێس:
كارەكانی دروستكردنی پردی ئاسنین بەمەبەستی ئاساییكردنەوەی رێگەی هاتوچۆ لەنێوان كەركوك-هەولێر بەردەوامە.
ئاژانسی ئەنادۆڵ لەزاری راكان سەعید پارێزگاری كەركووك بەوەكالەت بڵاویكردەوە، مەبەستی كردنەوەی رێگەی هاتوچۆ لەنێوان كەركوك و هەولێر، بەپێی رێككەوتنێك لەنێوان بەرپرسانی هەولێر و بەغدا، دەستكراوە بەدروستكردنی پردێكی ئاسنین.
رێگەی هاتوچۆی نێوان هەولێرو بەغدا لە تشرینی یەكەمی 2017 بە هۆی ناكۆكی سەربازی نێوان هەرێمی كوردستان و حكوومەتی ناوەندی داخرا.
بەوتەی پارێزگاری كەركوك بەوەكالەت ئەركی دروستكردنی رێگەی كەركوك-هەولێر بە هاوبەشی لە نێوان پارێزگای هەولێر و بەڕێوەبەرایەتی رێگەوبانی كەركوك دەبێت.
راكان سەعید راشیگەیاند، ئەركی كۆنتڕۆڵكردنی ئاسایشی رێگەكەش، بەپێی رێككەوتنێك لە ئەستۆی هێزەكانی پۆلیسی فیدڕاڵ و پێشمەرگە دەبێت.
هـ ـ ح