شارپرێس:
ناوەندی راگەیاندنی هێزەكانی سوریای دیموكرات (هەسەدە) بڵاویكردەوە، دوو ژنی دیكەی ئێزدی قەزای شەنگال لە دەستی چەكدارانی داعش لە دێرەزوور رزگاركراون.

ناوەندی راگەیاندنی هەسەدە رایگەیاندووە، یەكینەكانی تایبەتی سەر بە هێزەكانی هەسەدە لە ئۆپەراسیۆنێكی تایبەتدا توانیوانە ژنێك و كچێك لە دەستی داعش رزگاربكەن.

ئاماژەی بەوەكردووە، ژنەكە ناوی (ملكو خزر كوتی)-یەو تەمەنی 40 ساڵە، و كچەكەش ناوی (ئیناس رەشو)-ەو تەمەنی 12 ساڵانە و خەڵكی شارۆچكەی خانەسورن و لەگوندی كوجو لە دەست چەكدارانی داعش رزگار كراون.
ه.م