شارپرێس:
زۆربەی ڕێكەوتەكان، كە ڕوو دەدەن تەنیا ڕوودەدەن و هیچ شیكردنەوەیەكیان بۆ ناكرێت، كە هەندێك ڕێكەوت هەن لەمێژوودا سەیرن و شیكردنەوەیان بۆ ناكرێت و تەنیا ڕوودەدەن.
لێرەدا چەندین ڕێكەوتی سەیر دەخەینە ڕوو.
یەكەم
دوو كەسی دووانە لەلایەن یەك ئۆتۆمبیلی تەكسییەوە گیان لەدەست دەدەن.
ئەم ڕووداوە باس لە ساڵی ١٩٧٥ دەكات لەشاری بێرمودا، كە یەكێك لە دووانەكان لەلایەن ئۆتۆمبیلێكی تەكسییەوە گیانیان لەدەستدا كاتێك ماتۆرێكی سكۆتەریان لێدەخوڕی.
دوای ساڵێك دووانەیەكی دیكە، كە بە هەمان شێوە هەمان جۆری سكۆتەریان لێدەخوڕی، لەلایەن هەمان ئۆتۆمبیلی تەكسییەوە گیانیان لەدەست دا.
دووەم
دوو كەسی دووانە لەهەمان ڕۆژ بە هەمان هۆكار دەمرن
لەسەرەتاكانی ساڵی ٢٠٠٢ ، دوو كەسی دووانەی ٧٠ ساڵە لەیەك كاتدا لەفلۆریدا گیان لەدەست دەدەن، زۆر سەیر نییە وایە ؟ تۆ هەڵەی ، چونكە هەروو پیاوەكە لەلایەن لۆرییەكەوە گیانیان لەدەست دا كاتێك پاسكیلیان لەهەمان شەقام لێدەخوڕی ، لەدووری چەند میلێك لەیەكتر و لە ماوەی چەند كاتژمێرێكدا.
پۆلیس هیچ بەڵگەیەكی لەسەر خۆكوشتنێكی پێلان دارێژاو نەدۆزییەوە، بۆیە ئەمە یەكێكە لەڕێكەوتە سەیرەكان.
سێیەم
دووانەیەكی جیاكراوە لەیەك، هەمان ژیان دەژین
دوو منداڵی دووانە، كە تەمەنیان ٣ هەفتە بوو لەیەك جیا كرانەوەو لەلایەن دوو خێزانی جیاوازەوە بەخێو كران، دوای ٣٩ ساڵ دوو براكە یەكتریان گرتەوە و بۆیان دەركەوەت ، كە هەمان ناویان هەیە ئەویش جەیمسە و هەردووكیان بە جیم بانگ دەكرێن، هەردووكیان بەشی یاسایان تەواو كردووە ، هەرووكیان هاوسەرەكەیان ناوی لیندایە و هەردووكیان لەیەك جیابوونەتەوە و جارێكی دیكە هاوسەرگیریان كردووە بە ئافرەتێك بەناوی بێتی، هەردووكیان سەگێكیان هەیە بەناوی تۆی ، هەردووكیان كوڕێكیان هەیە بەناوی ئالانەوە.
چوارەم
ڕۆمانی ئێدگار ئالان پۆی ، كە نووسەر ئارسەر گۆدۆن نوسیوییەتی لەساڵی ١٨٣٨ دا دێدە دی ، دیمەنی ئەم ڕۆمانە باس لەوە دەكات گروپێك بە كەشتی گەشت دەكەن و لە دەریادا گیر دەخۆن و برسیان دەبێت، بۆیە یارییەك دەكەن بۆ ئەوەی، كە یەكێك لە سەرنشینەكانی كەشتییەكە بە زینوویی بخۆن و لەبرسێتی ڕزگاریان ببێت لەكۆتایدا لاوێك بە ناوی ڕیچارد پاركەر دەبێتە قوربانی، ٤٦ ساڵ پاش ئەم ڕووداوە لە ساڵی ١٨٨٤ دا گروپێك لە ناو دەریادا دوچاری باوبۆرانێكی زۆر دەبنەوە و لەناو ئاودا گیر دەخۆن ، بۆیە دەبێت كەسێك بكەنە قربانی‌و لاوێكی ١٧ ساڵان دەیەویت خۆی بكاتە قربانی ، ئاوی ناو دەریا، كە دەخواتەوە، بۆ ئەوەی گیان لەدەست بدات، بەڵام هاوەڵەكانی ناوەستن تاوەك گیان لەدەست بدات، بۆیە بە چەقۆ دەیكوژن و دەیخۆن، دەزانی ناوی ئەم لاوە گەنجە چیی بوو ؟ ڕیچارد پاركەر.
پێنجەم
ڕۆماننووسێك پێشبینی نوقمبوونی كەشتی تایتانیك دەكات.
ڕۆمان نووس مۆرگان ڕۆبێرتسۆن رۆمانێكی بەناوی "ورێك ۆف زە تیتان" لە ساڵی ١٨٨٩ دەنووسێت، لەو ڕۆمانەدا كەشتییەك بەناوی تیتان لەدەریای ئەتلەنتیك داگەشت دەكات ، لەمیانەی گەشتەكەدا ڕووبەڕووی بەستەڵەكێك دەبێتەوەو دەبێتە هۆی نوقمبوونی كەشتیەكە.
دوای ١٤ ساڵ، هەمان شت لە جیهانی ڕاستەقینەدا ڕوو دەدات، نەك هەر ناوی دوو كەشتییەكە نزیك بوون لەیەكترەوە، بەڵكو وەك میشیل ماكوك سەرنووسەر لە ڕۆژنامەیەك لە ولایەتە یەكگرتووەكان دەڵێت: "هەردوو كەشتییەكە لەقەبارەشدا زۆر نزیكن لە یەكتر، كە تایتانیك ٢٥ مەتر قەبارەی درێژترە لەكەشتی تیتان، هەردوو كەشتییەكە لە خریایشدا وەك یەكن، هەردوو كەشتییەكە بە هەم شێوە دەتوانن سەرنشین هەڵبگرن".
شەشەم
كارەساتی تەقینەوەی كەنیسەیەك
كەنیسەیەك لە شارۆچكەیەكی نێبراسكا لە ١٩٥٠ كاتژمێر ٢٥: ٧ خولەك دا ، تەقییەوە هەموو ڕۆژێك لەو كەنیسەیەدا كاتژمێر ١٥:٧ وانەی وتنەوەی سرودی ئاینی تێدا دەخوێنرا.
بەڕای تۆ هەموو ٢٥ كەسە بەشداربووەكە گیانیان لەدەست دا لەو كاتەدا ؟ نەخێر كەسیان نەمردن و تەنانەت كەسیان برینداریش نەبوون، ئەمە چۆن؟ هەموو ١٥ ئەندامەكە ، هەریەكەو بەهۆی هۆكارێكاوە درەنگ كەوتن لە ئامادەبوون بۆ وەرگرنی كۆرسەكەیان ، كە هەریەكەو بەهۆی هۆكارێكەوە بوو، كاتی تەقینەوەكە كەسیان نزیكی كەنیسەكە نەبوون.
حەوتەم/
وشتنی ئیبراهیم لینكۆڵن و جۆن كێنەدی
لەمێژووی ولایەتە یەكگرتووەكان تەنیا ٤ سەركردە هەن، كە لە ناو ئۆفیسەكەیاندا كوژراون ، یەكەم ئیبراهیم لینكۆڵن بووە چوارەم دانەش چۆن كێنەدی بووە.
نزیكی ژیان و مردنی ئەم دوو پیاوە لەیەكترەوە زۆر سەرسورهێنەورو باوەڕ پێنەكراوە.
هەروو سەركردەكەلە ڕۆژی هەینیدا تەقەیان لەسەریان كردوون و پاش كوشتنیان لە پاڵ هاوسەریەكانیان پاڵیان خستوون‌و هیچیان شوێنی برینداریان پێوە دیار نەبووە.
هەردووكیان گومانی ئەویان لێدەكرێت، كە تەقەكردنەكە لە چەن شوێنێكی جیاجیاوە بووبێت، هەردووكیان لەلایەن جێگری سەرۆك بەناوی "جۆنسۆن "كراون بە سەرۆك، ئەنردوو لەساڵی ١٨٠٨ لەدایك بووە و لینكۆڵن لە ١٩٠٨ دا، هەردووكیان ١٣ پیت هەیە لەناوەكەیاندا و هەردووكیان خاوەنی دوو كچ بوون، بكووژەكەی هەردووكیان ١٥ پیت هەیە لە ناوەكەیدا.
هەردوو سەركردەكە لە شانۆیەكدا كوژراون‌و هەردوو بكوژەكە تەقەكەیان بەدەمانچەی كۆلت ریڤۆڵڤەر كردووە. كە تەقەكەیان تەنیا یەك جار بووە.
وەرگێڕان: رەوەند ئیسماعیل
