شارپرێس:
ئاسایشی گەرمیان دەستگیركردنی 2 ئەندامی داعش ڕاگەیاند و ئەوەشی وتوە
"دادگای تاوانەكانی كەركوك – گەرمیان سزای بەندكردنی هەتاهەتاییان بەسەردا
سەپێنراوە".
ئەمرۆ چوارشەممە بەرێوەبەرایەتی ئاسایشی گەرمیان
ڕایگەیاندووە "لە چوارچێوەی هەڵمەتە بەردەوامەکانی هێزەکانی بەرێوەبەرایەتی
ئاسایشی گەرمیان سەبارەت بە پاراستنی سەرو گیانی هاوڵاتیان و پاراستنی سنوورەکە لە
تیرۆر و تیرۆریستان و دەستگیرکردنی تاوانباران و ڕوو بە ڕووکردنەوەیان بە دادگا".
بەرێوەبەرایەتی
ئاسایشی گەرمیان ئاماژەی بەوەشداوە "پاش کۆکردنەوەی زانیاری وورد و تەواو لە
لایەن هێزەکانی بەرێوەبەرایەتی ئاسایشی گەرمیان توانرا لە ڕۆژانی 23و26/1/2018 دوو
تاوانبار بە ناوەکانی(محمد محمد خورشید رحیم لە دایک بووی1996)و(شاخەوان محمد
خورشید رحیم لە دایک بووی1984)کە دانیشتووی گوندی(گۆڕە شەلە)ی ناحیەی قۆرەتوون بە
تۆمەتی پەیوەندیان بە رێکخراوی تیرۆریستی داعشەوە و هاوکاری کردنی ئەو گروپە لە
سنووری قەزای کەلار و ناحیەی پێباز بە پێی ماددەی(2)ی دەستگیربکرێن و هەروەها
توانراویشە ئۆتۆمبیلێک و چەند چەکێک و کۆمەڵێک تەقەمەنی و(TNT)یان پێوە
بگیرێت".
ئاسایشی گەرمیان ئەوەشی وتوە "پاش
ئەوەی دۆسێکەیان خرایە بەردەم بەرێز دادوەری لێکۆڵینەوەو خستنە ڕووی بەڵگەکان و
دانپیادانانی تاونبارانی ناوبراو کە سەر بە رێکخراوی تیرۆریستی داعشن, سەرەنجام
رۆژی 13/11/2018 لە لایەن سەرۆکایەتی دادگای تاوانەکانی کەرکووک/گەرمیان بە پێی
ماددەی(156)ی س بۆ هەر یەکەیان سزای هەتا هەتایان بە سەردا بسەپێنرێت".
هـ ـ ر