هۆشداری لەكڕینی جۆرێك خورما لەبازاڕەكانی سلێمانی دەدرێت

sharpress.net

363 جار خوێندراوه‌ته‌وه

17/01/2019‌

شارپرێس:
پێگەی فەرمی قایمقامییەتی سلێمانی هۆشداری لەكڕینی جۆرێك خورمای لەبازاڕەكانی شارەكە داوە، بەوەی ئەو خورمایە كرماوییە.

بەپێی پێگەكە لیژنە هاوبەشەكانی قائیمقامییەتی سلێمانی لەعەلوەی شارەكەدا دەستیان بەسەر زیاتر لەسێ تۆن خورمای كرماوی‌و ماوە بەسەرچودا گرتووە، كە ‌فرۆشیاری ئەو خورمایە بە دەستكاریكردنی بەروار و لێبڵەكانی، ویستوویەتی لەنێو بازاڕەكانی سنوورەكەدا بیانفرۆشێتەوە و ساخیان بكاتەوە.

هەر بەپێی پێگەكە، خورما دەست بەسەرگیراوەكە لە جۆرەكانی (دجلە و الامیر)ەو، بڕی سێ تۆن و 300 كیلۆگرام بووە، كە خاوەنەكەی بەنیازی ساخكردنەوەی بوون.

هەروەها بەپێی رێنمایەكانی وەزارەتی بازرگانی عێراق، پێویستە كاڵاوشمەكەكان لێبڵی بەسەرەوە بێت و تەواوی زانیارییەكانی تێدا خرابێتە روو، دەستكاری كردنی لێبڵ، یاخو شاردنەوە و شێواندنی زانیاری، بەفێڵێ بازرگانی هەژمار دەكرێت‌و سزای پێویست لەلایەن بكەرانییەوە دەدرێت.





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved