باڵابەرزی زۆر گرنگ نیە.. چ شتێک لە پیاودا سەرنجی ژن ڕادەکێشێت؟

sharpress.net

11670 جار خوێندراوه‌ته‌وه

24/02/2019‌

شارپرێس:

پرسیارێک بەردەوام لە میشکی بەشێکی زۆر لەپیاواندایە ئەویش ئەوەیە  کە " ئافرەتان چیان دەوێت؟"  بەتایبەتی کاتێک بیر لەوە دەکەنەوە چ جۆرێک لەپیاوان زیاتر جێی سەرنجی ژنانن .
بۆ ئەمە پیگەی " دی مارگ" راپۆرتێکی بڵاوکردۆتەوە و تێیدا ئەو پێوەرە زانستیانەی دیاریکردووە کە وادەکات پیاوێک بێ لەبەرجاوگرتنی باڵا بەرزیی و بەهێزیی ماسوولکەکەی ، جێی سەرنجی ئافرەتان بێت .
راپۆرتەکە ئەو پێوەرانەی بەم شێوەیە دیاریکردووە"
1-جوانییەکی مامناوەند 
بەلای ژنانەوە جوانییەکی زۆر و  بەهێزیی ماسولکە و لەشولاری پیاوان زۆر جێگای سەرنجی ژنان نین ، بەڵکو بەپێچەوانە زیاتر ژنان چاویان لە جوانییەکی مامناوەندی پیاوانە ، بەپێی هەندێک لێکۆڵینەوە کە لەو بارەیەوە کراوە ، دەرکەوتووە کە ژنان پێیان وایە جوانییەکی مامناوەندی پیاوان  زیاتر دەستەبەری پەیوەندییەکی درێژخایەن دەکات لەنیوانیاندا
2- پیاوی رووخۆش و گاڵتەچی
ئەگەر پرسیار لە ئافرەتان بکرێت کە حەز لە چی  شتێکی هاوبەشی ژیانی دەکات ، هەمیشە دەڵین " ئەوەی  واملێدەکات پیبکەنم " ، هۆکاری ئەوەش بۆ ئەوە ده‌گەریتەوە  کە ژنان پێیان وایە ئەو پیاوانەی گیانی سوعبەت و گاڵتە وگەپیان هەیە کەسی زیرەک و داهێنەرن و لەداهاتووشدا دەبن بە باوکیکی باش .
3- پیاوی بەئەمەک
ژنان بەزۆری  ئەو  پیاوانەیان بەدڵە  کە  وەفادار و بەئەمەکن ، چونکە  بەلای ئەوانەوە ئەوە واتای ئەوە دەگەیەنێت کە ئەو پیاوانە زیاتر بە پەیوەندییەکانی نیوانیان  پابەند دەبن بۆ ماوەیەکی دوور و درێژ.
4- پیاوی چاونەترس 
ئەو پیاوانەی کە ئازا و جاونەترسن  و بەردەوام  سەرکەشیی و دەکەن و ئەزموونی تازە بەتاقی دەکەنەوە و خۆیان دەخەنە مەترسییەوە ، جا ئەو مەترسییە مەترسی جەستەیی بێت وەک هەندێک جۆری وەرزش کردن ، یان ئەو ئازایەتییە کۆمەڵایەتیی بێت وەک ئەوەی لە رووبەرووبوونەوەی کەس خۆی نەدزێتەوە ، چونکە بەپێی لیکۆڵینەوەکان ئەو جۆرە پیاوانە زیاتر بەرگەی مەترسی و نارەحەتییەکان دەگرن و لە پەیوەندییەکانیشدا زیاتر بەردەوام دەبن .
5- قوربانیدەر
لێکۆڵینەوەیەک لە گۆڤارێکی دەروونناسی ئەوەی ئاشکرا کردووە کە ئافرەتان زیاتر ئەو پیاوانە بەباش دەزانن کە سیفەتی " قوربانیدان"یان تیدایە ، چونکە پێیان وایە زیاتر بەرگەی پەیوەندی درێژخایەن دەگرێت و بۆ هەڵسوکەتە کۆمەڵیەتییەکانیش ئەرێنیترە.

وەرگێران : ئاکۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved