شارپرێس.. هۆرڤان رەفعت
سەرکردەی سەرجەم
لایەنەکان بەبۆنەی نەورۆزەوە ساڵانە یەک پەیامی هاوبەشیان هەیە و وەکو کلتوریک دوبارەی دەکەنەوە
ئەمڕۆ چوارشەممە ٢٠ی ئازاری ٢٠١٩ لە زۆرینەی شارەکانی کوردستان ئاهەنگی
نەورۆز و سەری ساڵی نوێی کوردی بەڕێوەچو.
سەرکردەی سەرجەم پارت
و لایەن سیاسییەکانیش وەکو نەریتی ساڵانەی دیکەیان پەیامی پیرۆزبایی نەورۆزیان
بڵاوکردەوە.
بەڵام ئەوەی جێگای
سەرنجە پەیامی سەرجەم سەرکردەی پارت و لایەنە جیاوازەکان یەک پەیامە و یەک
داوکارییان هەیە، هەروەها هەمان ئەو پەیامانەیە کە ساڵانی ڕابردو
بڵاویانکردووەتەوە، ئەوەی کە جیاوازە تەنها بەرواری سەر پیرۆزبایی نامەکانە، بەڵام ناوەڕۆک و پەیامەکەی هاوبەش و دوبارەیە.
پەیامی چوار سەرکردەی سیاسی بەنمونە..
د. بەرهەم ساڵح، سەرۆک
کۆماری عێراق لەپەیامێکدا ڕایگەیاندوە "به بۆنهی جهژنی نهورۆزهوه پیرۆزبایی
گهرمی خۆم له یهک بهیهکتان ئهکهم و خوازیارم له کهشێکی خۆشی بههاری و
له سایهی ئارامیدا نهورۆز و سهیران و خۆشیهکانتان بهڕێوه ببهن".
د. بەرهەم ساڵح لە
پەیامەکەیدا وتویەتی "هیوادارم ئهم یاده وامان لێبکات ئاشتهوایی و بهرژهوهندی
و چاکهی گشتی بخهینه شوێنی ناکۆکی و دووبهرهکی، لێبوردن و ماف و داخوازی خهڵک
بکهینه بنهمای کارو گوفتارمان".
مەسعود بارزانی سەرۆکی
پارتی دیموکراتی کوردسان لەپەیامێکدا ڕایگەیاندوە "بەبۆنەی جەژنی نەتەوەیی
نەورۆز و هاتنی بەهار و نوێبوونەوەی سرووشت گەرمترین پیرۆزبایی خۆم ئاراستەی
هاووڵاتیانی خۆشەویستی كوردستان و خانەوادەی سەربەرزی شەهیدان و پێشمەرگە
قارەمانەكان و هەموو تێكۆشەر و نیشتیمانپەروەرانی كوردستان دەكەم".
مەسعود بارزانی لە
دریژەی پەیامەکەیدا وتویەتی "جەخت لەسەر پاراستنی فەرهەنگی پێكەوەژیان و
برایەتی و تەبایی نێوان پێكهاتەكانی كوردستان دەكەینەوە و ئومێدی قووڵتربوونی ئەو
فەرهەنگە بەهادارەی گەلی كوردستان دەخوازین هیوادارم نەورۆزی ئەمساڵ ببێتە
دەستپێكێك بۆ ئاسوودەیی هەموو خەڵكی كوردستان و ئومێد دەكەم ئەو نەورۆزە و هەموو
جەژنەكان بە كامەرانی".
هاوکات نێچیرڤان
بارزانی سەرۆکی حکومەتی هەریمی کوردستان لەپەیامێکدا ڕایگەیاندوە "جەخت
دەکەینەوە لەسەر کولتووری پێکەوەژیان، لێبووردەیی، تەبایی، خۆشەویستی و هەوڵی
خاوکردنەوەی دەمارگرژییە کردووەتەوە و دەڵێت " نەورۆز لە بنەڕەتەوە خاوەن و
هەڵگری ئەو کولتوورەیە".
هەروەها قوباد
تاڵەبانی جێگری سەرۆکی حکومەت رایگەیاندوە "پێویستە كوردان رێگە نەدەن
جیاوازی سیاسیی و بۆچون درز و کەلێن بخاتە نێوانیانەوە، دەشڵێت، هەموو کورد
ئەندامی خێزانێکی گەورەترن کە ئەویش کوردستانە".
سەرجەم سەرکردەکانی
دیکە پارت و لایەنە سیاسییەکانی دیکەش بە هەمان شێوە پەیامی پیرۆزبایی نەورۆزیان
ناردوە و وشەکانی "یەکڕیزی و تەبایی و پێکەوە ژیان و لێبوردەیی" هاوبەشە لە پەیامەکانی سەرجەم سەرکردەکاندا،
بەرای چاودێرانی
"ئەمە بووەتە جێگای سەرنج کە سەرکردەکان هەموو ساڵێک هەمان پەیام بڵاو
دەکەنەوە بەڵام لە کردارەکانیاندا پێچەوانەی تەبایی و ئەو ریککەوتنەیە کە خۆیان
باسی دەکەن".
هەروەها لە تۆڕە کۆمەڵایەتییەکانیش باس لەوە
دەکرێت "ئەو پەیامانەی سەرکردەکان جگە لە جیبەجێ کردنی نەریتێک لە ساڵانی
ڕابردودا نەیتوانیوە بەشێوەیەکی دروست رۆحیەتی تەبایی و پێکەوە کارکردن و پێکەوە
ژیان بچەسپێنێت، بەڵکو تەنها وەکو کلتورێکە بڵاو دەکرێتەوە".
هـ ـ ب